‘ഐക്യമില്ല, പിന്തുണയില്ല,’ ടി20 ലോകകപ്പിലെ തോൽവിക്ക് ശേഷം പാകിസ്ഥാൻ കളിക്കാർക്കെതിരെ വിമർശനവുമായി കിർസ്റ്റൺ

ടി20 ലോകകപ്പിലെ ദയനീയ പ്രകടനത്തിന് ശേഷം പാകിസ്ഥാൻ ടീമിനെതിരെ വിമർശനവുമായി മുഖ്യ പരിശീലകനായ ഗാരി കിർസ്റ്റൺ. കളിക്കാർക്കിടയിലെ ഐക്യമില്ലായ്മയാണ് അവരുടെ നാണംകെട്ട തോൽവിയുടെ പ്രധാന കാരണമായി ഉയർത്തിക്കാട്ടുന്നത്.

“പാകിസ്ഥാൻ ടീമിൽ ഐക്യമില്ല. അവർ അതിനെ ഒരു ടീം എന്ന് വിളിക്കുന്നു, പക്ഷേ അതൊരു ടീമല്ല. അവർ പരസ്പരം പിന്തുണയ്ക്കുന്നില്ല; എല്ലാവരും വേർപിരിഞ്ഞു, ഇടത്തും വലത്തും. ഞാൻ നിരവധി ടീമുകളിൽ പ്രവർത്തിച്ചിട്ടുണ്ട്, പക്ഷേ ഞാൻ ഇത്തരമൊരു സാഹചര്യം ഒരിക്കലും കണ്ടിട്ടില്ല,” അയർലൻഡിനെതിരായ ടി20 ലോകകപ്പിലെ പാകിസ്ഥാൻ്റെ അവസാന ലീഗ് മത്സരത്തിന് ശേഷം കിർസ്റ്റൺ കളിക്കാരോട് പറഞ്ഞതായി റിപ്പോർട്ടുണ്ട്. പാകിസ്ഥാൻ മാധ്യമങ്ങളാണ് റിപ്പോർട്ട് ചെയ്തിരിക്കുന്നത്.

കളിക്കാരുടെ ഫിറ്റ്‌നസ് നിലവാരത്തിൽ പാകിസ്ഥാൻ മുഖ്യ പരിശീലകൻ തൻ്റെ അതൃപ്തി അറിയിച്ചതായി 4 റിപ്പോർട്ട് ഉണ്ട്, ആഗോളതലത്തിൽ താരതമ്യപ്പെടുത്തുമ്പോൾ ടീമിൻ്റെ നൈപുണ്യ നിലവാരം വളരെ കുറവാണെന്നും കൂട്ടിച്ചേർത്തു.