ബാഴ്സയുടെ യുവ സെന്‍റര്‍ ബാക്കിനെ റാഞ്ചാന്‍ പ്രീമിയര്‍ ലീഗ് ക്ലബുകള്‍
മാഞ്ചസ്റ്റർ യുണൈറ്റഡിനും ആഴ്സണലിനും ഈ സമ്മർ ട്രാൻസ്ഫർ വിൻഡോയിൽ ബാഴ്‌സലോണയുടെ സെൻ്റർ ബാക്ക് മിക്കായേല്‍ ഫായെയേ സൈന്‍ ചെയ്യാന്‍ താല്‍പര്യം.താരത്തിനു വേണ്ടി 20 മില്യണ്‍ യൂറോ നല്കിയാല്‍ മതി എന്നാണ് റിപ്പോര്ട്ട് എങ്കിലും താരത്തിനെ മാര്‍ക്കറ്റ് വിപണിയില്‍ തങ്ങള്‍ ഉള്‍പ്പെടുത്തുന്നില്ല എന്നാണ് ബാഴ്സ അറിയിച്ചിരിക്കുന്നത്.ലാമാസിയന്‍ താരം ആയ ഫായേ വളരെ മികച്ച പ്രതികരണങ്ങള്‍ ആണ് യൂറോപ്പിലെ പ്രമുഖ സ്കൌട്ടുകളില്‍ നിന്നും നേടി എടുത്തിരിക്കുന്നത്.
ഡിഫൻഡർ ഇതുവരെ ബാഴ്‌സലോണയ്‌ക്കായി തൻ്റെ ആദ്യ ടീമിൽ അരങ്ങേറ്റം കുറിച്ചിട്ടില്ല, പക്ഷേ അദ്ദേഹം സീനിയർ ടീമിനൊപ്പം പരിശീലനം നടത്തുകയും മല്ലോർക്ക, ലാസ് പാൽമാസ് എന്നിവരുമായുള്ള അവരുടെ സമീപകാല ലാ ലിഗ മത്സരങ്ങളിൽ ബെഞ്ചില്‍ ഇരുന്നിട്ടുമുണ്ട്. നിലവില്‍ ബാഴ്സയുടെ പ്രതിരോധ റാങ്കുകള്‍ വളരെ ഉയര്‍ന്ന നിലവാരം ഉള്ളതാണ്.അറൂഹോ, കൂണ്ടേ,കുഭാര്‍സി,ഇനിഗോ എന്നിവര്‍ ഉള്ളപ്പോള്‍ ഫായേക്ക് അവസരത്തിന് വേണ്ടി അല്പം കാത്തിരിക്കേണ്ടി വരും.
