പരിക്ക് ഭേദമാകാൻ ഇംഗ്ലണ്ട് താരം കെയ്ൻ ബയേൺ മ്യൂണിക്കിലേക്ക് മടങ്ങും
ഇംഗ്ലണ്ട് സ്‌ട്രൈക്കർ ഹാരി കെയ്‌നെ കണങ്കാലിന് ഏറ്റ പരിക്ക് മൂലം സുഖം പ്രാപിക്കാൻ ബയേൺ മ്യൂണിക്കിലേക്ക് തിരിച്ചയക്കുകയാണെന്ന് ഗാരെത് സൗത്ത്ഗേറ്റ് സ്ഥിരീകരിച്ചു. ചൊവ്വാഴ്ച വെംബ്ലിയിൽ ബെൽജിയത്തിനെതിരെ കെയിന്‍ ഇംഗ്ലണ്ട് ടീമില്‍ ഉണ്ടാകില്ല.ഒരാഴ്ച മുമ്പ് ഡാർംസ്റ്റാഡിനെതിരെ നടന്ന മല്‍സരത്തില്‍ ആണ് താരത്തിനു പരിക്ക് ഏറ്റത്.ഇന്നലെ നടന്ന ബ്രസീല്‍ മല്‍സരത്തില്‍ താരം ടീമിനൊപ്പം ഉണ്ടായിരുന്നു എങ്കിലും കളിക്കാനുള്ള ലിസ്റ്റില്‍ താരത്തിനെ കോച്ച് ഉള്‍പ്പെടുത്തിയില്ല.
ബയേൺ ശനിയാഴ്ച ബുണ്ടസ്ലിഗയിൽ ബൊറൂസിയ ഡോർട്ട്മുണ്ടിനെ നേരിടും, ഈ മാസം അവസാനം ആഴ്സണലിനെതിരെ ചാമ്പ്യൻസ് ലീഗ് ക്വാർട്ടർ ഫൈനലിലും മ്യൂണിക്ക് കളിക്കും.ഈ മല്‍സരത്തില്‍ എല്ലാം താരം കളിക്കുമെന്ന ഉറപ്പ് ഇപ്പോള്‍ തീരെ ഇല്ല മ്യൂണിക്ക് മാനേജ്മെന്റിന്.അദ്ദേഹത്തിന്റെ അഭാവം മാനേജര്‍ ടൂഷലിനെയും അതുപോലെ സഹ താരങ്ങളെയും ഏറെ അലട്ടുന്നുണ്ട്.ഇന്നലെ കെയിനിന്റെ അഭാവം ഇംഗ്ലണ്ട് ടീമിനെ സാരമായി ബാധിച്ചു.എതിരില്ലാത്ത ഒരു ഗോളിന് ആണ് ബ്രസീല്‍ അവരെ തകര്‍ത്തത്.
