വാതുവെപ്പ് നിയമങ്ങൾ ലംഘിച്ചതിന് ന്യൂകാസിൽ മിഡ്ഫീൽഡർക്ക് 10 മാസത്തെ വിലക്ക്
രാജ്യത്തിന്റെ ചൂതാട്ട നിയന്ത്രണങ്ങൾ ലംഘിച്ചതിന് ഇറ്റലിയുടെ ഫുട്ബോൾ ഫെഡറേഷൻ ന്യൂകാസിലിന്റെ സാന്ദ്രോ ടോണാലിയെ ഫുട്ബോൾ കളിക്കുന്നതിൽ നിന്ന് 10 മാസത്തേക്ക് വിലക്കുകയും മിഡ്ഫീൽഡർ ഒരു പുനരധിവാസ പരിപാടി തുടരാൻ അടുത്ത എട്ട് മാസം ചെലവഴിക്കാൻ ഉത്തരവിടുകയും ചെയ്തു.23-കാരനായ താരത്തിന് ആഗസ്റ്റ് വരെ വീണ്ടും കളിക്കാൻ കഴിയില്ല.
/cdn.vox-cdn.com/uploads/chorus_image/image/72749834/1694439527.0.jpg)
അടുത്ത വേനൽക്കാലത്ത് യൂറോ 2024 ടൂര്‍ണമെന്റും താരത്തിന് കളിയ്ക്കാന്‍ പറ്റില്ല.ജൂലൈയിൽ എസി മിലാനിൽ നിന്ന് 55 മില്യൺ പൗണ്ടിന് ടോണാലി ന്യൂകാസിലിൽ ചേർന്നു.പതുക്കെ പതുക്കെ താരം ഫോമിലേക്ക് ഉയര്‍ന്ന് വന്നിരുന്നു.ബാന്‍ ലഭിച്ചു എന്നറിഞ്ഞതിന് ശേഷം താരത്തിന് ക്ലബ് മാനേജ്മെന്‍റ് നല്ല പിന്തുണ നല്കുന്നുണ്ട്.ആരാധകരില്‍ നിന്നും അദ്ദേഹത്തിന് ഏറെ സപോര്‍ട്ട് ലഭിക്കുന്നുണ്ട്.ഈ മാസം ആദ്യം, യുവന്റസ് മിഡ്ഫീൽഡർ നിക്കോളോ ഫാഗിയോളിക്കും വാതുവയ്പ്പ് ലംഘനത്തിന് FIGC യിൽ നിന്ന് ഏഴ് മാസത്തെ വിലക്ക് ലഭിച്ചിരുന്നു.
