ആദ്യ ജയം തേടി ദക്ഷിണാഫ്രിക്ക: ദക്ഷിണാഫ്രിക്ക ഓസ്‌ട്രേലിയ രണ്ടാം ടി20 ഇന്ന്
ദക്ഷിണാഫ്രിക്കയും, ഓസ്‌ട്രേലിയയും തങ്ങളുടെ നിലവിലുള്ള ടി20 ഐ പരമ്പര തുടരാൻ ഒരുങ്ങുകയാണ്. സെപ്തംബർ 1 വെള്ളിയാഴ്ച നടക്കുന്ന പരമ്പരയിലെ രണ്ടാം ടി20യിൽ ഇരു ടീമുകളും പരസ്പരം ഏറ്റുമുട്ടും. പരമ്പരയിലെ ആദ്യ മത്സരത്തിൽ ഓസ്‌ട്രേലിയ 111 റൺസിന് വിജയിച്ചിരുന്നു. ആ വിജയം തുടരാനാകും അവർ ശ്രമിക്കുക
മിച്ചൽ മാർഷിന്റെ നേതൃത്വത്തിലുള്ള ഓസ്‌ട്രേലിയ ആദ്യ ടി20യിൽ തകർപ്പൻ പ്രകടനമാണ് കാഴ്ചവെച്ചത്. ക്യാപ്റ്റൻ മാർഷ് ആദ്യ ഇന്നിംഗ്‌സിൽ ബാറ്റിംഗിൽ ആവേശഭരിതനായിരുന്നു, രണ്ടാം ഇന്നിംഗ്‌സിൽ തൻവീർ സംഗ പന്തിൽ വിസ്മയിപ്പിച്ചു. അതേസമയം ആദ്യ മത്സരത്തിലെ തോൽ‌വിയിൽ നിന്ന് വിജയത്തിലേക്ക് കടക്കാൻ ആകും ദക്ഷിണാഫ്രിക്ക ശ്രമിക്കുക. ഇന്ന് ഇന്ത്യൻ സമയ൦ രാത്രി 9:30ന് ആണ് മത്സരം.
