മുൻ ഒളിമ്പിക് സ്‌കേറ്റർ അലക്‌സാന്ദ്ര പോൾ വാഹനാപകടത്തിൽ മരിച്ചു
മുൻ ഒളിമ്പിക് ഫിഗർ സ്‌കേറ്റർ അലക്‌സാന്ദ്ര പോൾ 31 ആം വയസ്സിൽ അന്തരിച്ചു. സോചി 2014 വിന്റർ ഒളിമ്പിക്‌സിൽ കാനഡയെ പ്രതിനിധീകരിച്ച് ഐസ് ഡാൻസ് മത്സരത്തിൽ 18-ാം സ്ഥാനത്തെത്തിയ അലക്‌സാന്ദ്ര ചൊവ്വാഴ്ച വാഹനാപകടത്തിൽ മരിച്ചതായി കനേഡിയൻ മാധ്യമങ്ങൾ റിപ്പോർട്ട് ചെയ്തു.
“ഞങ്ങളുടെ സ്കേറ്റിംഗ് കമ്മ്യൂണിറ്റിയിലെ പ്രിയപ്പെട്ട അംഗമായ അലക്‌സാന്ദ്ര പോളിന്റെ പെട്ടെന്നുള്ള വേർപാട് സ്കേറ്റ് കാനഡ അറിയിക്കുന്നത് ഹൃദയഭാരത്തോടെയാണ്,” സ്കേറ്റ് കാനഡ ഈ ആഴ്ച ആദ്യം ഒരു പ്രസ്താവനയിൽ പറഞ്ഞു. 2010 ലെ ലോക ജൂനിയർ ഫിഗർ സ്കേറ്റിംഗ് ചാമ്പ്യൻഷിപ്പിൽ വെള്ളി മെഡൽ നേടിയ അലക്‌സാന്ദ്ര 2016 ൽ മത്സര സ്കേറ്റിംഗിൽ നിന്ന് വിരമിച്ചു.
