പ്രഭ്‌സിമ്രാൻ സിങ്ങിന്റെ ഉജ്ജ്വല സെഞ്ചുറി : ഡൽഹിയെ തോൽപ്പിച്ച് പഞ്ചാബ് പ്ലേഓഫ് പ്രതീക്ഷകൾ സജീവമാക്കി

പ്രഭ്‌സിമ്രാൻ സിങ്ങിന്റെ ഉജ്ജ്വല സെഞ്ചുറിയുടെയും ഇടംകൈയ്യൻ സ്പിന്നർ ഹർപ്രീത് ബ്രാറിന്റെ നാല് വിക്കറ്റ് പ്രകടനത്തിന്റെയും ബലത്തിൽ പഞ്ചാബ് കിംഗ്‌സ് (പിബികെഎസ്) ശനിയാഴ്ച ഐപിഎല്ലിൽ ഡൽഹി ക്യാപിറ്റൽസിനെതിരെ (ഡിസി) 31 റൺസിന്റെ ജയം നേടി.

ഈ വിജയം പിബികെഎസിന്റെ പ്ലേഓഫ് പ്രതീക്ഷകൾ സജീവമാക്കി, അതേസമയം ഡിസിക്ക് അത് തിരശ്ശീലയായി. 168 റൺസ് വിജയലക്ഷ്യം പിന്തുടർന്ന ഡിസി ഏഴാം ഓവറിൽ 69/0 എന്ന നിലയിലായി. എന്നിരുന്നാലും, ബ്രാർ കളിയുടെ ഗതി മാറ്റി. നാല് വിക്കറ്റ് നേടി അദ്ദേഹം ബൗളിങ്ങിൽ മികവ് പുലർത്തി. ഇതോടെ ഡൽഹി 136/8 എന്ന നിലയിൽ ഒതുങ്ങി.

ലെഗ് സ്പിന്നർ രാഹുൽ ചാഹർ രണ്ട് വിക്കറ്റ് നേടി. 27 പന്തിൽ 54 റൺസെടുത്ത ക്യാപ്റ്റൻ ഡേവിഡ് വാർണർ ഡിസിയുടെ ടോപ് സ്കോറർ. നേരത്തെ, പ്രഭ്‌സിമ്രന്റെ 65 പന്തിൽ 103 ആണ് പിബികെഎസിനെ 167/7 എന്ന നിലയിൽ എത്തിച്ചത്.. 10 ബൗണ്ടറികളും ആറ് സിക്‌സറുകളും അടങ്ങുന്നതായിരുന്നു അദ്ദേഹത്തിന്റെ ഇന്നിങ്‌സ്. . ഡൽഹിക്കായി ഇഷാന്ത് ശർമ്മ 2 വിക്കറ്റ് നേടി.