തകർപ്പൻ ബൗളിങ്ങുമായി ചാഹലും,വെടിക്കെട്ട് ബാറ്റിങ്ങുമായി ജയ്സ്വാളും, രാജസ്ഥാൻ റോയൽസ് വിജയ വഴിലേക്ക് തിരികെയെത്തി
വ്യാഴാഴ്ച നടന്ന ഇന്ത്യൻ പ്രീമിയർ ലീഗ് മത്സരത്തിൽ രാജസ്ഥാൻ റോയൽസ് കൊൽക്കത്ത നൈറ്റ് റൈഡേഴ്സിനെ ഒമ്പത് വിക്കറ്റിന് തോൽപിച്ച് അനായാസ വിജയം നേടി. 47 പന്തിൽ 98 റൺസുമായി പുറത്താകാതെ നിന്ന യശസ്വി ജയ്സ്വാൾ ആണ് ടീമിനെ വിജയിപ്പിച്ചത്. 13 പന്തിൽ ഐപിഎൽ ചരിത്രത്തിലെ ഏറ്റവും വേഗമേറിയ ഫിഫ്റ്റിയാണ് യശസ്വി ജയ്സ്വാൾ ഇന്ന് നേടിയത്
ആദ്യം ബാറ്റ് ചെയ്യാൻ ആവശ്യപ്പെട്ട ശേഷം കൊൽക്കത്ത നൈറ്റ് റൈഡേഴ്സ് 149/8 എന്ന സ്കോർ നേടി. ഓപ്പണർമാരായ ജേസൺ റോയ് (10), റഹ്മാനുള്ള ഗുർബാസ് (18) എന്നിവർക്ക് ഈഡൻ ഗാർഡൻസിൽ തുടക്കമിടാൻ കഴിയാതെ വന്നപ്പോൾ 42 പന്തിൽ 57 റൺസെടുത്ത വെങ്കിടേഷ് അയ്യർ കെകെആറിനെ ഭേദപ്പെട്ട സ്കോറിൽ എത്തിച്ചു. ഫോമിലുള്ള ലെഗ് സ്പിന്നർ യുസ്വേന്ദ്ര ചാഹൽ 4 വിക്കറ്റ് നേടി.
മറുപടി ബാറ്റിങ്ങിൽ ആർആർ 13.1 ഓവറിൽ ചേസ് പൂർത്തിയാക്കി. സഞ്ജു സാംസൺ 29 പന്തിൽ 48 റൺസുമായി പുറത്താകാതെ നിന്നു. ജോസ് ബട്ട്ലറുടെ വിക്കറ്റ് ആണ് അവർക്ക് നഷ്ടമായത്. 30ന് ഒന്നാം വിക്കറ്റ് നഷ്ട്ടമായ ശേഷം യശസ്വി ജയ്സ്വാൾ സഞ്ജു സഖ്യം മികച്ച കൂട്ടുകെട്ട് പടുത്തുയർത്തി. ഇരുവരും ചേർന്ന് കെകെആർ ബൗളർമാരെ തലങ്ങും വിലങ്ങും പ്രഹരിച്ചു. രണ്ടമ്മ വിക്കറ്റിൽ ഇരുവരും ചേർന്ന് 121 റൺസ് നേടി. ജയത്തോടെ ആർആർ പോയിന്റ് പട്ടികയിൽ മൂന്നാം സ്ഥാനത്ത് എത്തി. കെകെആർ ഏഴാം സ്ഥാനത്താണ്.