ഐപിഎൽ 2023: സിറാജിൻറെ മികവിൽ ആർസിബി പി‌ബി‌കെ‌എസിനെ 24 റൺസിന് തോൽപ്പിച്ചു
മൊഹാലിയിൽ വ്യാഴാഴ്ച നടന്ന ഐപിഎൽ മത്സരത്തിൽ റോയൽ ചലഞ്ചേഴ്സ് ബാംഗ്ലൂർ (ആർസിബി) പഞ്ചാബ് കിംഗ്സിനെ (പിബികെഎസ്) 24 റൺസിന് തകർത്തു. ആദ്യം ബാറ്റ് ചെയ്ത ബാംഗ്ളൂർ 20 ഓവറിൽ നാല് വിക്കറ്റ് നഷ്ടത്തിൽ 174 റൺസ് നേടി.. മറുപടി ബാറ്റിങ്ങിനിറങ്ങിയ പിബികെഎസ് 18.2 ഓവറിൽ 150 റൺസിന് പുറത്തായി. പേസർ മുഹമ്മദ് സിറാജ് 4/21, ലെഗ്ഗി വനിന്ദു ഹസരംഗ 2/39 എന്നിവർ തിളങ്ങി. പഞ്ചാബിന് വേണ്ടി പ്രഭ്സിമ്രാൻ സിംഗ് 46 റൺസ് നേടിയപ്പോൾ ജിതേഷ് 41 റൺസ് നേടി.
നേരത്തെ, വിരാട് കോഹ്‌ലിയുടെയും ഫാഫ് ഡു പ്ലെസിസിന്റെയും അർധസെഞ്ചുറിയുടെ കരുത്തിൽ ആണ് ആർസിബി 174/4 എന്ന സ്‌കോറിൽ എത്തിയത്. ബാറ്റിംഗിനിറങ്ങിയ ആക്ടിംഗ് ക്യാപ്റ്റൻ കോഹ്‌ലിയും ‘ഇംപാക്ട് പ്ലെയറായി’ കളത്തിലിറങ്ങിയ സ്ഥിരം ക്യാപ്റ്റൻ ഡു പ്ലെസിസും പവർപ്ലേയിൽ 59 റൺസ് കൂട്ടിച്ചേർത്തു. ഇരുവരും ചേർന്ന് 137 റൺസ് കൂട്ടിച്ചേർത്തു. കോലി 47 പന്തിൽ 59 റൺസെടുത്തു. അഞ്ച് ഫോറും ഒരു സിക്സും പറത്തി.തൊട്ടടുത്ത പന്തിൽ തന്നെ ഗ്ലെൻ മാങ്ക്‌സ്‌വെല്ലിനെ ബ്രാർ പുറത്താക്കി. പഞ്ചാബിന് വേണ്ടി ബ്രാർ തന്റെ മൂന്ന് ഓവറിൽ 2/31 എടുത്തു. ഡു പ്ലെസിസ് 56 പന്തിൽ അഞ്ച് ഫോറും സിക്സും സഹിതം 84 റൺസെടുത്തു. അവസാന നാലോവറിൽ 37 റൺസ് മാത്രമാണ് ആർസിബിക്ക് നേടാനായത്.
