കാമറൂൺ ഗ്രീനിന്റെ മികവിൽ സൺറൈസേഴ്‌സ് ഹൈദരാബാദിനെതിരെ മുംബൈക്ക് മികച്ച സ്‌കോർ
ഓസ്‌ട്രേലിയൻ ഓൾറൗണ്ടർ കാമറൂൺ ഗ്രീനിന്റെ പുറത്താകാതെ 40 പന്തിൽ 64 റൺസിന്റെ ബലത്തിൽ മുംബൈ ഇന്ത്യൻസ് സൺറൈസേഴ്‌സ് ഹൈദരാബാദിനെതിരെ (എസ്ആർഎച്ച്) ചൊവ്വാഴ്ച ഐപിഎല്ലിൽ 20 ഓവറിൽ 192/5 എന്ന സ്‌കോറിൽ എത്തി. മറുപടി ബാറ്റിങ്ങിനിർണഗിയ സൺറൈസേഴ്‌സ് ഹൈദരാബാദിന് രണ്ട് വിക്കറ്റ് നഷ്ടമായി. ഒടുവിൽ വിവരം കിട്ടുമ്പോൾ അവർ 40/2 എന്ന നിലയിലാണ്.
ഓപ്പണർമാരായ ഇഷാൻ കിഷനും രോഹിത് ശർമ്മയും ചേർന്ന് 4.1 ഓവറിൽ 44 റൺസ് കൂട്ടിച്ചേർത്തു. 28 റൺസെടുത്ത രോഹിതിനെ ടി നടരാജൻ പുറത്താക്കി. കിഷൻ 38 റൺസെടുത്ത് പുറത്തായപ്പോൾ സൂര്യകുമാർ യാദവിന് ഏഴ് റൺസ് മാത്രമാണ് നേടാനായത്. മൂന്നാം നമ്പറിൽ വന്ന ഗ്രീൻ, തിലക് വർമ്മയിൽ കഴിവുള്ള ഒരു കൂട്ടാളിയെ കണ്ടെത്തി. ഇരുവരും ചേർന്ന് 56 റൺസെടുത്തു. 17 പന്തിൽ രണ്ട് ഫോറും നാല് സിക്സും സഹിതം 37 റൺസാണ് വർമ്മ നേടിയത്. ആറ് ഫോറും രണ്ട് സിക്സും അടങ്ങുന്നതാണ് ഗ്രീനിന്റെ ഇന്നിങ്സ്. സൺറൈസേഴ്‌സ് ഹൈദരാബാദിന് വേണ്ടി മാർക്കോ ജാൻസൻ രണ്ട് വിക്കറ്റ് നേടി.
