എതിരില്ലാത്ത മൂന്നു ഗോള് ജയം ;ഒന്നാം സ്ഥാനത് തിരികെയെത്തി ആഴ്സണല്
ഞായറാഴ്ച ബ്രെന്റ്ഫോർഡിൽ നടന്ന മത്സരത്തിൽ 3-0ന് വിജയിച്ച ആഴ്സണൽ മാഞ്ചസ്റ്റർ സിറ്റിയെ മറികടന്ന് പ്രീമിയർ ലീഗ് പട്ടികയിൽ ഒന്നാം സ്ഥാനത്തേക്ക് തിരിച്ചെത്തി.ആദ്യ പകുതിയില് തന്നെ വില്യം സാലിബ,ഗബ്രിയേല് ജീസസ് എന്നിവരുടെ ഗോളുകളില് ആഴ്സണല് ലീഡ് പിടിച്ചു.കഴിഞ്ഞ തവണ മാഞ്ചസ്റ്റർ യുണൈറ്റഡിൽ 3-1 ന് തോറ്റ ടീമിൽ ആഴ്സണൽ ബോസ് മൈക്കൽ അർട്ടെറ്റ മൂന്ന് മാറ്റങ്ങൾ വരുത്തി, മാർട്ടിൻ ഒഡെഗാർഡും ഒലെക്സാണ്ടർ സിൻചെങ്കോയും പരിക്കുമൂലം പുറത്തായിരുന്നു.
രണ്ടാം പകുതി തുടങ്ങി നാല് മിനുട്ട് കടന്നപ്പോഴേക്കും ഫാബിയോ വിയേരയും ഗോള് നേടി സ്കോര് ബോര്ഡില് തന്റെ പേര് ചേര്ത്തത്തോടെ കളി ആഴ്സണളിന്റെ വരുതിയില് ആയി കഴിഞ്ഞിരുന്നു.ഇഞ്ചുറി ടൈമിൽ കൗമാരക്കാരനായ ഏഥാൻ നവാനേരി പിച്ചിലേക്ക് ഇറങ്ങിയതോടെ 15 വയസ്സുകാരൻ പ്രീമിയർ ലീഗിലെ എക്കാലത്തെയും പ്രായം കുറഞ്ഞ കളിക്കാരനായി.ഇടവേളയ്ക്ക് ശേഷം ആഭ്യന്തര ഫുട്ബോൾ പുനരാരമ്പിക്കുമ്പോള് മൂന്നാം സ്ഥാനക്കാരായ ടോട്ടൻഹാമുമായി ആഴ്സണൽ ഒരു നോർത്ത് ലണ്ടൻ ഡെർബി പോരാട്ടത്തെ അഭിമുഖീകരിക്കുന്നു.