ബ്രേസ്റ്റിനെ മലര്ത്തിയടിക്കാന് പിഎസ്ജി
നിലവിലെ ലീഗ് 1 ചാമ്പ്യൻമാരായ പാരീസ് സെന്റ് ജെർമെയ്ൻ ശനിയാഴ്ച പാർക് ഡെസ് പ്രിൻസസിലേക്ക് ബ്രെസ്റ്റിനെ സ്വാഗതം ചെയ്യാന് ഒരുങ്ങുന്നു.രണ്ടാം സ്ഥാനത്തുള്ള പിഎസ്ജിക്ക് ഇന്നത്തെ മത്സരത്തില് ജയം നേടാന് ആയാല് ലീഗില് ഒന്നാം സ്ഥാനത്തേക്ക് തിരിച്ചെത്താന് കഴിഞ്ഞേക്കും.മാർച്ചിന് ശേഷം ലീഗ് 1 ഇതുവരെ തോല്വി അറിയാതെ ആണ് പിഎസ്ജിയുടെ തേരോട്ടം.
വേനൽക്കാലത്ത് മൗറീഷ്യോ പോച്ചെറ്റിനോ പോയതിന് ശേഷം ശേഷം തന്റെ 3-5-2 സജ്ജീകരണത്തിലേക്ക് ടീം എങ്ങനെ വേഗത്തിൽ പൊരുത്തപ്പെട്ടു എന്നതിൽ ക്രിസ്റ്റോഫ് ഗാൽറ്റിയർ വളരെ സന്തുഷ്ടനാണ്. മുൻ ലില്ലെ ആൻഡ് നൈസ് ബോസിന് കീഴില് ആറു മത്സരങ്ങളില് അഞ്ച് വിജയവും ഒരു സമനിലയും നേടിയ പിഎസ്ജിയുടെ പ്രകടനത്തില് ആരാധകരും മാനേജ്മെന്റും പൂര്ണ തൃപ്തര് ആണ്.കഴിഞ്ഞ മത്സരത്തില് ചാമ്പ്യന്സ് ലീഗ് ഗ്രൂപ്പ് ഘട്ടത്തില് യുവന്ട്ടസിനെ എതിരില്ലാത്ത രണ്ടു ഗോളിന് തോല്പ്പിച്ച് കൊണ്ട് പിഎസ്ജി ചാമ്പ്യന്സ് ലീഗ് കാംപെയിനിലും ശക്തമായ തുടക്കം ആണ് കാഴ്ച്ചവെച്ചത്.ഇന്ത്യന് സമയം രാത്രി എട്ടര മണിക്ക് ആണ് മത്സരം.