European Football Foot Ball Top News transfer news

മാഞ്ചസ്റ്റർ യുണൈറ്റഡിന്റെ പരിശീലക സംഘത്തിലേക്ക് ബെന്നി മക്കാർത്തിയും

July 31, 2022

author:

മാഞ്ചസ്റ്റർ യുണൈറ്റഡിന്റെ പരിശീലക സംഘത്തിലേക്ക് ബെന്നി മക്കാർത്തിയും

ഇം​ഗ്ലീഷ് സൂപ്പർ ക്ലബ് മാഞ്ചസ്റ്റർ യുണൈറ്റഡിന്റെ പരിശീലകസംഘത്തിലേക്ക് വിഖ്യാത താരം ബെന്നി മക്കാർത്തിയും. ദക്ഷിണാഫ്രിക്കയുടെ ഇതിഹാസതാരമാണ് മക്കാർത്തി. അയാക്സ്, സെൽറ്റ വി​ഗോ, പോർട്ടോ, ബ്ലാക്ക്ബേണ് റോവേഴ്സ്, വെസ്റ്റ് ഹാം തുടങ്ങിയ പ്രധാന ക്ലബുകൾക്കായി കളിച്ചിട്ടുണ്ട് ഈ സ്ട്രൈക്കർ.

ഫസ്റ്റ് ടീം കോച്ചായാണ് മക്കാർത്തിയുടെ നിയമനം. ഇക്കാര്യത്തിൽ മാഞ്ചസ്റ്റർ യുണൈറ്റഡിന്റെ ഔദ്യോ​ഗിക പ്രഖ്യാപനവും എത്തിയിട്ടുണ്ട്. പോർട്ടോയുടെ ചാമ്പ്യൻസ് ലീ​ഗ് കിരീടനേട്ടത്തിൽ നിർണായക പങ്ക് വഹിച്ച താരമാണ് ഇദ്ദേഹമെന്നതും ശ്രദ്ധേയമായ കാര്യമാണ്.

ദക്ഷിണാഫ്രിക്കയുടെ എക്കാലത്തേയും മികച്ച ​ഗോൾവേട്ടക്കാരൻ കൂടിയായ മക്കാർത്തി പ്രീമിയർ ലീ​ഗിൽ ബ്ലാക്ക്ബേണിനായി നൂറിലേറെ മത്സരങ്ങളിൽ ബൂട്ടണിഞ്ഞ വ്യക്തിയാണ്. കളിക്കളത്തോട് വിടപറഞ്ഞശേഷം 2015 മുതൽ പരിശീലീകരം​ഗത്ത് സജീവമാണ് ഈ 44-കാരൻ. ദക്ഷിണാഫ്രിക്കൻ ക്ലബ് അമാസുലുവിലാണ് മക്കാർത്തി ഏറ്റുമൊടുവിൽ പ്രവർത്തിച്ചത്.

Leave a comment

Your email address will not be published. Required fields are marked *