ജെറാർഡ് പിക്വെ ബാഴ്സയോട് വിട പറയാന്‍ ഒരുങ്ങുന്നു എന്ന് സ്പാനിഷ് റിപ്പോര്‍ട്ടുകള്‍
സെവിയ്യയിൽ നിന്ന് ജൂൾസ് കൗണ്ടെയെ സൈൻ ചെയ്യാനുള്ള മത്സരത്തിൽ വിജയിച്ചതിന് ശേഷം ജെറാർഡ് പിക്വയുമായുള്ള ബന്ധം വിച്ഛേദിക്കാൻ ബാഴ്‌സലോണ ആഗ്രഹിക്കുന്നു.2022-23 സീസണിന് മുന്നോടിയായി സാവിയുടെ ടീമിനായി സൈൻ ചെയ്യുന്ന രണ്ടാമത്തെ സെൻട്രൽ ഡിഫൻഡറാണ് കൗണ്ടെ, ചെൽസിയിൽ നിന്നുള്ള ഫ്രീ ഏജന്റായി ആൻഡ്രിയാസ് ക്രിസ്റ്റെൻസണും ലാ ബ്ലൂഗ്രാനയിൽ ചേര്‍ന്നിരിന്നു.
സ്പാനിഷ് ഔട്ട്‌ലെറ്റ് സ്‌പോർട് നല്‍കിയ റിപ്പോര്‍ട്ട് അനുസരിച്ച് ബാഴ്‌സലോണ ബോസ് സാവി, വരാനിരിക്കുന്ന കാമ്പെയ്‌നിനായി തന്റെ പദ്ധതിയില്‍ പിക്വെ ഇല്ലെന്നു പറഞ്ഞതായും അതിനാല്‍ സെന്റർ ബാക്ക് ഉടൻ തന്നെ ഒരു പുതിയ ക്ലബ്ബിനായി തിരയുകയും ചെയ്യുന്നു. വർഷങ്ങൾ പിന്നിട്ടിട്ടും ബാഴ്‌സലോണയ്ക്ക് തനിക്ക് ഒരുപാട് കാര്യങ്ങൾ വാഗ്ദാനം ചെയ്യാനുണ്ടെന്ന് പിക്വെ ഇപ്പോഴും വിശ്വസിക്കുന്നുണ്ടെന്നും എന്നാൽ ക്യാമ്പ് നൗവിൽ സ്പെയിൻകാരന് തിരിച്ചുവരാനുള്ള വഴി സാവി കാണുന്നില്ലെന്നും റിപ്പോർട്ട് കൂട്ടിച്ചേർക്കുന്നു.കൂടാതെ ഡിഫൻഡറുടെ “പ്രൊഫഷണൽ അല്ലാത്ത പെരുമാറ്റത്തിൽ” സാവിക്ക് വലിയ നീരസം ഉണ്ടെന്നും റിപ്പോര്‍ട്ടില്‍ പറയുന്നു.
