ലുക്കാക്കു ഒരു സീസന് ലോണില് മിലാനിലേക്ക് തിരിച്ചെത്തി
റൊമേലു ലുക്കാക്കു ഒരു സീസൺ ലോൺ ഡീലിൽ ഇന്റർ മിലാനിലേക്ക് വീണ്ടും ചേർന്നതായി ചെൽസി സ്ഥിരീകരിച്ചു.കഴിഞ്ഞ വേനൽക്കാലത്ത്, ഫോർവേഡ് 97.5 മില്യൺ ക്ലബ്ബ് റെക്കോർഡ് തുകയ്ക്ക് സ്റ്റാംഫോർഡ് ബ്രിഡ്ജിലേക്ക് മടങ്ങിയെത്തിയിരുന്നു.അദ്ദേഹത്തിന് തന്റെ പ്രൈസ് ടാഗിന് ചേര്ന്ന പ്രകടനം ലണ്ടനില് പുറത്തെടുക്കാന് കഴിഞ്ഞില്ല.
29-കാരൻ ഡിസംബറിൽ ഇറ്റാലിയൻ മാധ്യമങ്ങൾക്ക് ഒരു അഭിമുഖം നൽകിയത് മുതൽ മിലാനിലേക്ക് അദ്ധേഹത്തിന്റെ തിരിച്ചുപോക്ക് സാധ്യതപട്ടികയില് ഉണ്ടായിരുന്നു.ഒരു സ്ഥിരമായ കരാറിൽ തങ്ങളുടെ മുൻ കളിക്കാരനെ സൈന് ചെയ്യാന് പറ്റിയ സാമ്പത്തിക അവസ്ഥയല്ല ഇന്ററിന് ഇപ്പോള് ഉള്ളത്.2019 നും 2021 നും ഇടയിൽ രണ്ട് സീസണുകളിലായി 64 ഗോളുകൾ നേടിയ ലുക്കാക്കുവിന്റെ പ്രകടനം ആണ് ഇന്ററിന് നീണ്ട കാത്തിരിപ്പിന് ശേഷം സീരി ഇ കിരീടം നേടാന് സഹായിച്ചത്.