Cricket Cricket-International Top News

ഏകദിന ക്രിക്കറ്റ് ടീമിന്റെ പരിശീലകനായി മാത്യു മോട്ടിനെ നിയമിച്ച് ഇംഗ്ലണ്ട്

May 18, 2022

author:

ഏകദിന ക്രിക്കറ്റ് ടീമിന്റെ പരിശീലകനായി മാത്യു മോട്ടിനെ നിയമിച്ച് ഇംഗ്ലണ്ട്

ഏകദിന ക്രിക്കറ്റ് ടീമിന്റെ പരിശീലകനായി മാത്യു മോട്ടിനെ നിയമിച്ചതായി പ്രഖ്യാപിച്ച് ഇംഗ്ലണ്ട് ആൻഡ് വെയിൽസ് ക്രിക്കറ്റ് ബോർഡ്. ഓസ്‌ട്രേലിയൻ വനിതാ ടീമിന്റെ മുഖ്യ പരിശീലകനായി പ്രവർത്തിക്കുന്ന മോട്ട് സ്ഥാനം രാജിവെച്ചാണ് ത്രീ ലയൺസിലേക്ക് എത്തുന്നത്.

നെതർലൻഡ്‌സിനെതിരായ വരാനിരിക്കുന്ന മൂന്ന് ഏകദിന പരമ്പരയായിരിക്കും മാത്യു മോട്ടിന്റെ ആദ്യ ദൗത്യം. ചീഫ് എക്‌സിക്യൂട്ടീവ് ഓഫീസർ ടോം ഹാരിസൺ, ഇംഗ്ലണ്ടിന്റെ പുരുഷ ക്രിക്കറ്റ് മാനേജിംഗ് ഡയറക്ടർ റോബ് കീ, സ്ട്രാറ്റജിക് അഡ്വൈസർ ആൻഡ്രൂ സ്ട്രോസ്, പെർഫോമൻസ് ഡയറക്ടർ എന്നിവരടങ്ങുന്ന ഇസിബി സെലക്ഷൻ പാനലാണ് മോട്ടിന്റെ നിയമനത്തിൽ ഇടപെട്ടിരിക്കുന്നത്.

മുൻ ഇംഗ്ലണ്ട് താരം പോൾ കോളിംഗ്‌വുഡിനെ പിന്തള്ളിയാണ് മോട്ട് ഇംഗ്ലണ്ട് ഏകദിന ടീമിന്റെ പരിശീലകനായിരിക്കുന്നത്. ന്യൂ സൗത്ത് വെയിൽസ്, ഗ്ലാമോർഗൻ, ഓസ്‌ട്രേലിയ എ എന്നീ ടീമുകളെ പരിശീലിപ്പിച്ച മാത്യു മോട്ടിന് മികച്ച പരിശീലന പരിചയമുണ്ട്. കൂടാതെ 2009 ഐപിഎൽ എഡിഷനിൽ കൊൽക്കത്ത നൈറ്റ് റൈഡേഴ്‌സിന്റെ അസിസ്റ്റന്റ് കോച്ചായും അദ്ദേഹം സേവനമനുഷ്ഠിച്ചിട്ടുണ്ട്. 2015 മുതൽ ഓസ്‌ട്രേലിയൻ വനിതാ ടീമിന്റെ മുഖ്യ പരിശീലകനാണ് മാത്യു മോട്ട്.

Leave a comment

Your email address will not be published. Required fields are marked *