എംബാപ്പെയുമായി കൂടിക്കാഴ്ച്ച നടത്താന്‍ സാവി
റയൽ മാഡ്രിഡിനെ വെല്ലുവിളിച്ച് പാരീസ് സെന്റ് ജെർമെയ്ൻ സൂപ്പർ താരം കൈലിയൻ എംബാപ്പെയെ സൈൻ ചെയ്യാനുള്ള മത്സരത്തിൽ ബാഴ്സലോണയും ചേർന്നിരിക്കുന്നു. പിഎസ്ജിയുമായുള്ള എംബാപ്പെയുടെ കരാർ ഈ വേനൽക്കാലത്ത് അവസാനിക്കും, അയാൾക്ക് സൗജന്യമായി മറ്റൊരു ടീമിൽ ചേരാൻ കഴിയും, എന്നാൽ അദ്ദേഹത്തിന്റെ നിലവിലെ ടീം ഇപ്പോഴും താരത്തിനോട് തുടരാൻ പ്രേരിപ്പിക്കുന്നതിന് എല്ലാ ശ്രമങ്ങളും നടത്തുന്നു.
ക്രിസ്റ്റ്യാനോ റൊണാൾഡോയെയും സിനദീൻ സിദാനെയും ആരാധിച്ച് വളർന്ന് കരീം ബെൻസെമയുമായി സൗഹൃദം പുലർത്തുന്ന എംബാപ്പെയുടെ ഏറെ നാളത്തെ സ്വപ്നം ആണ് മാഡ്രിഡ്‌.എന്നാൽ തീരുമാനമെടുക്കുന്നതിന് മുമ്പ് എല്ലാ ഓപ്ഷനുകളും പരിഗണിക്കാനുള്ള എംബാപ്പയുടെ ആഗ്രഹം പ്രയോജനപ്പെടുത്താമെന്ന് ബാഴ്‌സ കരുതുന്നു.സാവിയുമായി ഒരു അനൗപചാരിക കൂടിക്കാഴ്ച നടത്താൻ ബാഴ്‌സ എംബാപ്പെയുടെ പ്രതിനിധികളോട് ആവശ്യപ്പെട്ടതായി വാര്‍ത്തയുണ്ട്.എംബാപ്പെയ്ക്ക് ഇടത്തരം മുതൽ ദീർഘകാലം വരെ എന്താണ് വാഗ്ദാനം ചെയ്യാനാകുന്നത് എന്ന് വ്യക്തമാക്കാൻ ആണത്രേ ഈ കൂടികാഴ്ച്ച.2017ൽ പിഎസ്ജിയിൽ ഒപ്പിടുന്നതിന് മുമ്പ് എംബാപ്പെ ലിവർപൂളിനോടും റയൽ മാഡ്രിഡുമായും സമാനമായ കൂടിക്കാഴ്ചകൾ നടത്തിയിരുന്നു.
