2021ലെ ഗോൾഡൻ പ്ലെയർ പുരസ്കാരം ലയണൽ മെസിയെയും ജോർജിഞ്ഞോയെയും മറികടന്ന് റോബർട്ട് ലെവൻഡോവ്സ്കി നേടി
ഇറ്റാലിയൻ ദിനപത്രമായ ടുട്ടോസ്പോർട്ട് നൽകുന്ന 2021ലെ ഗോൾഡൻ പ്ലെയർ അവാർഡ് പിഎസ്ജി സൂപ്പർ താരം ലയണൽ മെസ്സിയെയും ചെൽസി മിഡ്ഫീൽഡർ ജോർഗിഞ്ഞോയെയും മറികടന്ന് ബയേൺ മ്യൂണിച്ച് സ്ട്രൈക്കർ റോബർട്ട് ലെവൻഡോവ്സ്കി സ്വന്തമാക്കി. പോളണ്ട് രാജ്യാന്തര താരം തുടർച്ചയായി രണ്ടാം തവണയും ഈ ബഹുമതി കരസ്ഥമാക്കി. ചെൽസിയുടെയും ഇറ്റലിയുടെയും മധ്യനിര താരം ജോർജിഞ്ഞോ രണ്ടാം സ്ഥാനത്തെത്തിയപ്പോൾ ബാഴ്സലോണയുടെ മുൻ സൂപ്പർ താരം മെസ്സി മൂന്നാമതെത്തി.
ഈ മാസാവസാനത്തിന് മുമ്പ് ഈ വർഷത്തെ ബാലൺ ഡി ഓർ ജേതാവിനെ ഫ്രാൻസ് ഫുട്ബോൾ വെളിപ്പെടുത്തും. കരിം ബെൻസെമയും മുഹമ്മദ് സലായും അവരുടെ ക്ലബ്ബുകൾക്കായി തിളങ്ങുന്നുണ്ടെങ്കിലും, പലരും വിശ്വസിക്കുന്നത് ലെവൻഡോവ്സ്കി, മെസ്സി, ജോർഗിഞ്ഞോ എന്നിവരാണ് അവാർഡ് നേടാന് സാധ്യതയുള്ള താരങ്ങള്.