നെതര്‍ലാന്‍ഡ്‌സും ഓസ്ട്രിയയും നേര്‍ക്കുനേര്‍
യൂറോ 2020 ഗ്രൂപ്പ് സിയിൽ നെതർലാൻഡ്‌സ് ഓസ്ട്രിയയെ നേരിടും.വിജയകരമായ തുടക്കം കുറിച്ചുകൊണ്ട് ഇരു രാജ്യങ്ങൾക്കും വളരെയധികം സമ്മർദ്ദമില്ലാതെ കളിക്കാൻ കഴിയും.നാളെ രാവിലെ ഇന്ത്യന്‍ സമയം പന്ത്രണ്ടരക്ക് ആണ് ഇരുവരും തമ്മില്‍ ഉള്ള മത്സരം.നെതർലാൻഡ്‌സ് ഞായറാഴ്ച രാത്രി ഉക്രെയ്നിനെതിരെ 3-2ന് ജയം നേടിയിരുന്നു.മികച്ച അറ്റാക്കിംഗ് ടീം ആയ ഓസ്ട്രിയക്കെതിരെ വ്യാഴാഴ്ച നെതർലൻഡ്‌സ് മികച്ച പ്രതിരോധം ഉറപ്പാക്കേണ്ടതുണ്ട്.
പുതിയ കോച്ചിന് കീഴില്‍ തരകേടില്ലാത്ത പ്രകടനം കാഴ്ച്ചവച്ചെങ്കിലും ഇനിയും പല മേഘലകളിലും ഹോളണ്ട് മെച്ചപ്പെടണം.യൂറോപ്യൻ ചാമ്പ്യൻഷിപ്പിൽ തങ്ങളുടെ ആദ്യ വിജയം നോർത്ത് മാസിഡോണിയയെ 3-1 ന് പരാജയപ്പെടുത്തി കൊണ്ട് ഓസ്ട്രിയ നേടി.ഇനിയൊരു ജയം കൂടി നേടി കൊണ്ട് നോക്കൌട്ട് യോഗ്യത നേടുകയാണ്‌ ഇരുവരുടെയും പ്രാഥമിക ലക്ഷ്യം.
