പോഗ്ബ യുണൈറ്റഡ് വിടുമെന്ന് ഏജന്റ് റയോള
മാഞ്ചസ്റ്റർ യുണൈറ്റഡിലെ പോൾ പോഗ്ബയുടെ സമയം അവസാനിക്കുകയാണെന്ന് അദ്ദേഹത്തിന്റെ ഏജന്റ് മിനോ റയോള.2016 ൽ യുവന്റസിൽ നിന്ന് എത്തിയതിനുശേഷം പോഗ്ബ ടീമില് നിന്നും വിടുന്നതായി പല വാര്ത്തകളും വന്നിരുന്നു.
ക്ലബിലെ മിഡ്ഫീൽഡറുടെ ഭാവിയെക്കുറിച്ച് ചോദിച്ചപ്പോൾ, ട്യൂട്ടോസ്പോർട്ടിന് നൽകിയ അഭിമുഖത്തിൽ റയോള പറഞ്ഞത് ഇങ്ങനെ”മാഞ്ചസ്റ്റർ യുണൈറ്റഡിലെ കരിയര് പൊഗ്ബ എത്രയും പെട്ടെന്നു അവസാനിപ്പിക്കും എന്നു എനിക്കു പറയാന് കഴിയും.യുണൈറ്റഡിന്റെ പ്രവര്ത്തിയില് പോളിന് നല്ല നിരാശയുണ്ട്.തനിക്ക് ഇഷ്ടമുള്ള രീതിയിലും പ്രതീക്ഷിച്ച രീതിയിലും സ്വയം പ്രകടിപ്പിക്കാൻ കഴിയാത്തതിനാൽ പോള് ഒരു മാറ്റം ആഗ്രഹിക്കുന്നു.അടുത്ത 18 മാസത്തേക്ക് അദ്ദേഹം കരാറിലാണ്, ഇത് 2022 വേനൽക്കാലത്ത് അവസാനിക്കും.”ഈ സീസണിൽ റെഡ് ഡെവിൾസിനായി പോഗ്ബ 13 മത്സരങ്ങളിൽ പങ്കെടുത്തിട്ടുണ്ട്,എന്നാല് ആദ്യ ഇലവനില് ഉള്പ്പെട്ടത് ആകെ ആറ് തവണ മാത്രം.
