ചെല്‍സി ചാമ്പ്യന്‍സ് ലീഗ് നേടാന്‍ യോഗ്യതയുള്ളവര്‍ എന്ന് ജൂലെൻ ലോപെറ്റെഗുയി
ഈ സീസണിൽ ചാമ്പ്യൻസ് ലീഗ് നേടാൻ ചെൽസിക്ക് വലിയ സാധ്യത ഉണ്ടെന്ന് സെവിയ കോച്ച് ജൂലെൻ ലോപെറ്റെഗുയി വിശ്വസിക്കുന്നു.ഈ സീസണിലെ ആദ്യ അഞ്ച് പ്രീമിയർ ലീഗ് മത്സരങ്ങളിൽ നിന്ന് എട്ട് പോയിന്റാണ് ഫ്രാങ്ക് ലാം‌പാർഡിന്റെ ടീം നേടിയത് ഇന്നതെ ആദ്യ ചാമ്പ്യന്‍സ് ലീഗ് മല്‍സരത്തില്‍ ചെല്‍സിയുടെ എതിരാളികള്‍ ആയി സെവിയ ഇറങ്ങുന്നതിന് മുന്‍പാണ് അദ്ദേഹം ഇങ്ങനെ വെളിപ്പെടുത്തിയത്.
“സങ്കീർണ്ണമായ സാഹചര്യത്തിനിടയിലാണ് എല്ലാം തുടങ്ങിയത്.ഞങ്ങള്‍ക്ക് നല്ല ഒരു പ്രീ സീസണ്‍ ലഭിച്ചില്ല.നാളെ ഞങ്ങൾ മികച്ച പ്രകടനം നടത്തേണ്ടതുണ്ട്, അതാണ് ഞങ്ങൾക്ക് ചെയ്യാൻ കഴിയുന്നത്. എല്ലാ മത്സരങ്ങളും ബുദ്ധിമുട്ടാണ്, പ്രത്യേകിച്ചും നിങ്ങൾ ചാമ്പ്യൻസ് ലീഗിനെക്കുറിച്ച് സംസാരിക്കുമ്പോഴും ചെൽസി പോലുള്ള ടീമിനെതിരെ കളിക്കുമ്പോഴും.”
