ഹാലണ്ട് ഫുട്ബോള് ചരിത്രം നിര്വചിക്കും എന്നു മിച്ചു
ഡോർട്മണ്ട് സ്ട്രൈക്കർ ഏര്ലിങ് ഹാലണ്ട് റയൽ മാഡ്രിഡ്, മാഞ്ചസ്റ്റർ സിറ്റി, ബയേൺ മ്യൂണിക്ക് എന്നിവയിലെ ഏതെങ്കിലും ടീമില് ഒരു ഘട്ടത്തിൽ ചേരുമെന്ന് പ്രതീക്ഷിക്കുന്നതായി സ്പാനിഷ് ഫുട്ബോള് താരം മിച്ചു.അത് മാത്രമല്ല താരം കൈലിയാന് എമ്പാപ്പെയുമായി ഗോള്ഡന് ബൂട്ടിനും ബലോണ് ഡി ഓറിനും വേണ്ടി മല്സരിക്കും എന്നും മിച്ചു വെളിപ്പെടുത്തി.
“ഞാൻ ഇംഗ്ലണ്ടിൽ ആയിരുന്നപ്പോൾ, അവൻ വളരെ ചെറുപ്പമായിരുന്നു, അവൻ കരിയര് ആരംഭിക്കുകയായിരുന്നു.സ്വാൻസിയിൽ എനിക്ക് വളരെ നല്ല ആദ്യ സീസൺ ഉണ്ടായിരുന്നു, അദ്ദേഹം എന്റെ മത്സരങ്ങൾ കാണുന്നുണ്ടായിരുന്നു.എന്നെ സംബന്ധിച്ചിടത്തോളം ഇത് ഒരു ബഹുമതിയാണ്, കാരണം അദ്ദേഹം ഈ കായികരംഗത്ത് ഒരു ദശകം നിർവചിക്കാൻ പോകുന്ന കളിക്കാരനാണെന്ന് ഞാൻ കരുതുന്നു.”മിച്ചു റേഡിയോ മാര്സയോട് പറഞ്ഞു.
