നോര്‍ത്ത് ഈസ്റ്റ് വിംഗർ സത്യസെൻസിംഗ് കേരള ബ്ലാസ്റ്റേഴ്സിലേക്ക്
കൊച്ചി: ആഗസ്റ്റ്‌ 17, 2019: മണിപ്പൂർ സ്വദേശിയായ സത്യസെൻസിംഗ് ഇന്ത്യൻ സൂപ്പർ ലീഗിന്റെ 2019-2020 സീസണിൽ കേരളബ്ലാസ്റ്റേഴ്സിനായി കളിക്കും. 27വയസ്സുകാരനായ സത്യസെൻ സിംഗ് നോർത്ത് ഈസ്റ്റ് യുണൈറ്റഡ് എഫ്സിയിൽ നിന്നാണ്കേരള ബ്ലാസ്റ്റേഴ്സ് എഫ്സിയിൽ എത്തിയത്. 2015മുതൽ ഐഎസ്എല്ലിൽ കളിച്ചു വരുന്ന സത്യസെൻ സിംഗ്, മുൻപ് ഡൽഹിഡൈനാമോസ് നോർത്ത് ഈസ്റ്റ് യുണൈറ്റഡ് എഫ്സി, ഡിഎസ്കെ ശിവാജിയൻസ്, സാൽഗോക്കർ എഫ്സി, റോയൽവാഹിങ്‌ഡോഹ് തുടങ്ങിയ ക്ലബ്ബുകളിലും കളിച്ചിട്ടുണ്ട്. കൂടാതെ നിരവധി തവണ ഇന്ത്യൻ ദേശീയ ടീം ജഴ്‌സിയുംഅണിഞ്ഞിട്ടുണ്ട്.
“ഐ‌എസ്‌എൽ 2019-20 സീസണിൽ കേരള ബ്ലാസ്റ്റേഴ്സ് എഫ്‌സിയുടെ ഭാഗമാകുക എന്നത് ഒരു പുതിയ വെല്ലുവിളിയാണ്, അത്ഏറ്റെടുക്കാൻ ഞാൻ തയ്യാറാണ്. എന്റെ ഏക ലക്ഷ്യം ഫലങ്ങളാകും, ക്ലബ്ബിന്റെ ലക്ഷ്യങ്ങൾ നേടാൻ ടീമിനെ പിന്തുണയ്ക്കാൻഞാൻ പരമാവധി പരിശ്രമിക്കും” സത്യസെൻ സിംഗ് വ്യക്തമാക്കി
”വലത്, ഇടത് വിങ്ങുകളിൽ ഒരുപോലെ കളിക്കാൻ കഴിയുന്ന താരമായ സത്യസെൻ ടീമിലെത്തിയതിൽ എനിക്ക് അതിയായ സന്തോഷമുണ്ട്. പ്രധാനമായും വലതുകാൽ ഉപയോഗിച്ച് കളിക്കുന്ന കളിക്കാരനാണെങ്കിലും കളിക്കിടയിൽ ഇടത്കാൽഉപയോഗിച്ച് ഷൂട്ട്‌ ചെയ്യുവാനുള്ള കഴിവ് അദ്ദേഹത്തിനുണ്ട്. കൂടാതെ ആകർഷകമായ വേഗതയും, 1വി1 കഴിവുകളും ഉണ്ട്,അത് ഈ വർഷം വിങ്ങിൽ മികച്ച നേട്ടങ്ങൾ കരസ്ഥമാക്കാൻ കാരണമാകും.” കെബിഎഫ്സി ഹെഡ് കോച്ച് ഇൽക്കോഷെട്ടോരി അഭിപ്രായപ്പെട്ടു.
