വെടിക്കെട്ട് പ്രകടനവുമായി മദൻ മോഹൻ : സെലിബ്രിറ്റി ക്രിക്കറ്റ് ലീഗിൽ മുംബൈ ഹീറോസിനെ തോൽപ്പിച്ച് കേരള സ്ട്രൈക്കേഴ്സ്
വിശാഖപട്ടണം: സെലിബ്രിറ്റി ക്രിക്കറ്റ് ലീഗ് മത്സരത്തിൽ മുംബൈ ഹീറോസിനെതിരെ കേരള സ്ട്രൈക്കേഴ്സിന് തകർപ്പൻ വിജയം. ടോസ് നഷ്ടപ്പെട്ട മുംബൈ ഹീറോസ് ആദ്യം ബാറ്റ് ചെയ്ത് 8 വിക്കറ്റ് നഷ്ടത്തിൽ 191 റൺസ് നേടി, എന്നാൽ സ്ട്രൈക്കേഴ്സ് വെറും 19.3 ഓവറിൽ ലക്ഷ്യം മറികടന്നു.
മുംബൈ ഹീറോസിനായി ടോമർ നവ്ദീപ് 58 റൺസ് നേടി, ശരദ് കേൽക്കർ (38), സാഖിബ് സലീം (29), ഷബ്ബീർ അലുവാലിയ (23) എന്നിവരും മികച്ച പ്രകടനം കാഴ്ചവച്ചു. കേരള സ്ട്രൈക്കേഴ്സിന്റെ ബൗളിംഗിൽ ഉണ്ണി മുകുന്ദനും അരുൺ ബെന്നിയും മൂന്ന് വിക്കറ്റുകൾ വീതം വീഴ്ത്തി എതിരാളികളെ ഒതുക്കി.
മറുപടിയായി, കേരള സ്ട്രൈക്കേഴ്സിന് സ്ഥിരതയുള്ള തുടക്കം ലഭിച്ചു, പിന്നീട് മദൻ മോഹൻ 30 പന്തിൽ നിന്ന് അഞ്ച് സിക്സറുകളും ഏഴ് ഫോറുകളും സഹിതം 74 റൺസുമായി പുറത്താകാതെ നിന്നു. സ്ട്രൈക്കേഴ്സിന് നിർണായക വിജയം നേടിക്കൊടുക്കുന്നതിൽ വിവേക് ഗോപൻ 38 റൺസ് നേടി നിർണായക പങ്ക് വഹിച്ചു. വിവേക് – മദന് സഖ്യം 102 സെഞ്ചുറി കൂട്ടുകെട്ടുണ്ടാക്കി. അവസാന ഓവറുകളിലേക്ക് അടുത്തപ്പോൾ വിക്കറ്റുകൾ നഷ്ട്ടമായെങ്കിലിം മദൻ ടീമിനെ വിജയത്തിലേക്ക് നയിച്ചു,.
