ആസ്റ്റൺ വില്ലയെ തകർത്ത് ടോട്ടൻഹാം ; രണ്ടാം പകുതിയിൽ തിരിച്ചുവരവ് ഗംഭീരം
ഇന്നലെ നടന്ന പ്രീമിയര്‍ ലീഗ് മല്‍സരത്തില്‍ ആസ്റ്റണ്‍ വില്ലയെ ഒന്നിനെതിരെ നാല് ഗോളുകള്‍ക്ക് തോല്‍പ്പിച്ച് കൊണ്ട് ടോട്ടന്‍ഹാം ലീഗ് പട്ടികയില്‍ തങ്ങളുടെ സ്ഥാനം മെച്ചപ്പെടുത്തി.കഴിഞ്ഞ മല്‍സരത്തില്‍ സിറ്റിയെ ഈഎഫ്എല്‍ കപ്പില്‍ നിന്നും പുറത്താക്കി കൊണ്ട് ടോട്ടന്‍ഹാം വളരെ മികച്ച തിരിച്ചുവരവ് ആണ് കാഴ്ചവെച്ചിട്ടുള്ളത്.ഇന്നലെ ആദ്യ പകുതിയില്‍ ഒരു ഗോളിന് പുറകില്‍ നിന്ന ശേഷം ആണ് ടോട്ടന്‍ഹാം തിരിച്ചുവന്നത്.
ആദ്യ പകുതിയില്‍ ടോട്ടന്‍ഹാമിനെതിരെ എല്ലാ മേഘലയിലും മികച്ച പ്രകടനം കാഴ്ചവെക്കാന്‍ ആസ്റ്റണ്‍ വില്ലക്ക് കഴിഞ്ഞു.32 ആം മിനുട്ടില്‍ മോർഗൻ റോജേഴ്സ് നേടിയ ഗോളില്‍ ടോട്ടന്‍ഹാമിനെ പ്രതിരോധത്തില്‍ ആഴ്ത്തിയ വില്ല രണ്ടാം പകുതിയില്‍ ലണ്ടന്‍ ക്ലബിന് മുന്നില്‍ ചൂളി പോയ അവസ്ഥയാണ് കണ്ടത്.49 ആം മിനുട്ടില്‍ ബ്രണ്ണൻ ജോൺസൺ നേടിയ ഗോളില്‍ സമനില നേടിയ ലിലി വൈറ്റ്സ് , ഡൊമിനിക് സോളങ്കെയുടെ ഇരട്ട ഗോളില്‍ കളി തിരികെ പിടിച്ചു.എല്ലാ കഥയും തീര്‍ന്ന് എന്നിരിക്കെ 96 ആം മിനുട്ടില്‍ മികച്ച ഒരു ഫ്രീ കിക്ക് ഗോളോടെ ജെയിംസ് മാഡിസൺ നാലാം ഗോളും നേടി.ജയത്തോടെ ലീഗ് പട്ടികയില്‍ ഏഴാം സ്ഥാനത്തേക്ക് കയറി.
