അഭ്യൂഹങ്ങള്‍ വര്‍ധിക്കുന്നു ; റാഫേല്‍ ലിയോ ബാഴ്സലോണയിലേക്ക് !!!!!!!!
2025ൽ എസി മിലാൻ താരം റാഫേൽ ലിയോയുടെ ട്രാൻസ്ഫർ ഓപ്പറേഷന്‍ ഒന്നു കൂടി നടത്തി എടുക്കാന്‍ ബാഴ്സലോണ മുതിരുന്നു.നിക്കോ വില്യംസിനേ സൈന്‍ ചെയ്യാന്‍ കഴിഞ്ഞ സമ്മറില്‍ ബാഴ്സ ശ്രമം നടത്തിയിരുന്നു,എന്നാല്‍ ഫ്ലിക്കിന്‍റെ വരവോടെ അദ്ദേഹം തിരഞ്ഞെടുത്തത് ഓല്‍മോയുടെ സൈനിങ് ആയിരുന്നു.ഇപ്പോള്‍ വില്യംസ് ബാഴ്സയില്‍ അടഞ്ഞ അധ്യായം ആണ്.എന്നാല്‍ ഇടത് വിങ്ങില്‍ നല്ല ഒരു വിങ്ങറെ കൊണ്ട് വരണം എന്നു തന്നെ ആണ് ഇപ്പോഴും ബാഴ്സയുടെ മനസ്സില്‍.
ഈ സീസണില്‍ പുതിയ മാനേജര്‍ ആയ കോച്ച് പൗലോ ഫോൺസെക്കയുമായി പോര്‍ച്ചുഗീസ് വിങ്ങര്‍ ലിയോ മുട്ടന്‍ വഴക്കാണ്.അത് പരസ്യമാവുകയും ചെയ്തു.മോന്‍സക്കെതിരെ ഇന്നലെ നടന്ന മല്‍സരത്തില്‍ താരം സ്ക്വാഡില്‍ പോലും ഉണ്ടായിരുന്നില്ല.അതോടെ എത്രയും പെട്ടെന്നു ടീം വിടാന്‍ അദ്ദേഹം തീരുമാനിച്ചുവത്രേ.അദ്ദേഹത്തിന്റെ ഏജന്‍റ് ജോര്‍ജ് മെന്‍റസ് പ്രസിഡന്‍റ് ലപ്പോര്‍ട്ടയുടെ അടുത്ത സുഹൃത് ആണ്.അതിനാല്‍ ഉടന്‍ തന്നെ ഒരു ഒഫീഷ്യല്‍ ഓഫര്‍ കറ്റാലന്‍ ക്ലബ് നല്‍കിയേക്കും.58 മില്യണ്‍ യൂറോ ആണ് അദ്ദേഹത്തിന്റെ റിലീസ് ക്ലോസ്.
