പ്രൊ കബഡി : ഹരിയാന സ്റ്റീലേഴ്സ് യു.പി. യോദ്ദയെ തോൽപ്പിച്ചു
പ്രൊ കബഡി ലീഗിൽ ഇന്നലെ നടന്ന മത്സരത്തിൽ ഹരിയാന യു.പിയെ 36-33 എന്ന സ്കോറിന് തോൽപ്പിച്ചു. ഹരിയാനയുടെ ഈ സീസണിലെ തുടർച്ചയായ മൂന്നാമത്തെ വിജയമാണിത്. വികാഷ് കണ്ടോള ഹരിയാനക്ക് വേണ്ടി സൂപ്പർ 10 നേടിയ മത്സരത്തിൽ മികച്ച പ്രകടനമാണ് ഹരിയാന നടത്തിയത്. യു.പി. മോനു ഗോയാത്ത് നടത്തിയ രണ്ട് പോയിന്റ് റെയ്‌ഡിലൂടെ ആദ്യ ലീഡ് നേടി. ഹരിയാന സ്റ്റീലേഴ്സ് സ്കോർബോർഡ് ചലിപ്പിച്ചത് രവിയാണ്. ആദ്യ ലീഡ് യു പി നേടിയെങ്കിലും പിന്നീട് ശക്തമായ തിരിച്ചുവരവ് നടത്തിയ ഹരിയാന 5-5 എന്ന സ്‌കോറിൽ എത്തിച്ചു. പിന്നീട് ഒന്നാം പകുതിയയുടെ മധ്യത്തിൽ യുപിയെ ഹരിയാന ഓൾഔട്ടാക്കുകയും ചെയ്തു. ഈ ഓൾ ഔട്ടിലൂടെ ആദ്യ പകുതി 16-12 എന്ന ലീഡ് ഹരിയാന നേടി.
രണ്ടാം പകുതിയിൽ ക്യാപ്റ്റൻ ധർമ്മരാജ് ചേരളതൻ അപകടകാരിയായ ജാദവിനെ ആദ്യം താന്നെ പുറത്താക്കി.എന്നാൽ പിനീട് ഉണർന്ന് കളിച്ച യു പി യോദ്ധ ഹരിയാനയെ ഓൾഔട്ടാക്കി. ഇതിലൂടെ യു പി 21-19 എന്ന ലീഡ് നേടി. പിന്നീട് രണ്ട് ടീമുകളും കരുതലോടെയാണ് കളിച്ചത്. എന്നാൽ ഹരിയാന അവസാന മിനിറ്റുകളിൽ കടന്നാക്രമിച്ചതോടെ യു പി യോദ്ധയെ ഹരിയാന രണ്ടാമതും ഓൾഔട്ടാക്കി വിജയം സ്വന്തമാക്കി
