പൂർണ ആരോഗ്യവാനായി കെ എൽ രാഹുൽ ; ഏഷ്യാ കപ്പിനും ഏകദിന ലോകകപ്പിനും ലഭ്യമായേക്കാമെന്ന് റിപ്പോർട്ട്

 

ഏഷ്യാ കപ്പ്, ഏകദിന ലോകകപ്പ് തുടങ്ങിയ വരാനിരിക്കുന്ന വമ്പൻ മത്സരങ്ങൾക്കുള്ള ഇന്ത്യൻ ടീമിൽ കെ എൽ രാഹുലിന്റെ ലഭ്യതയെക്കുറിച്ചുള്ള അനിശ്ചിതത്വത്തിനിടയിൽ, വിക്കറ്റ് കീപ്പർ-ബാറ്റർ പൂർണ്ണ ഫിറ്റനാകാനുള്ള പാതയിലാണെന്നും ബിഗ് ടിക്കറ്റ് മത്സരങ്ങൾക്ക് ലഭ്യമാകുമെന്നും വൃത്തങ്ങൾ പറഞ്ഞു.

മെയ് 1 ന് റോയൽ ചലഞ്ചേഴ്‌സ് ബാംഗ്ലൂരിനെതിരായ ഐപിഎൽ 2023 ലെ തന്റെ ടീം ലഖ്‌നൗ സൂപ്പർ ജയന്റ്‌സിന്റെ മത്സരത്തിനിടെ, രണ്ടാം പന്തിൽ ബൗണ്ടറി തടയാൻ പന്ത് പിന്തുടരുന്നതിനിടെ ആണ് പരിക്കേറ്റത്. തുടർന്ന് മുടന്തിയാണ് അദ്ദേഹം ഫീൽഡ് വിട്ടത്..പതിനൊന്നാം നമ്പറിൽ ബാറ്റ് ചെയ്യാൻ ഇറങ്ങിയെങ്കിലും ആ മത്സരത്തിൽ മൂന്ന് പന്തുകൾ നേരിട്ടതിന് റണ്ണൊന്നും നേടിയില്ല.

പിന്നീട് മെയ് 5 ന് രാഹുലിന്റെ വലതു തുടയിലെ ഞരമ്പിന് കാര്യമായ വിള്ളലുണ്ടായിട്ടുണ്ടെന്നും അതിനായി ഒരു ശസ്ത്രക്രിയയ്ക്ക് വിധേയനാകുമെന്നും വെളിപ്പെടുത്തി. അതിനുശേഷം, പരിക്കിൽ നിന്ന് മുക്തി നേടുന്നതിനായി രാഹുൽ ബെംഗളൂരുവിലെ നാഷണൽ ക്രിക്കറ്റ് അക്കാദമിയിൽ (എൻസിഎ) പുനരധിവാസത്തിന് വിധേയനായി.