ചെൽസി ഡിഫൻഡർ കൗലിബാലി ക്ലബ് വിട്ട് സൗദി അറേബ്യൻ അൽ ഹിലാലിലേക്ക് ചേക്കേറി

സൗദി പ്രൊഫഷണൽ ലീഗ് ടീമായ അൽ-ഹിലാലിലേക്ക് സ്ഥിരമായ ട്രാൻസ്ഫർ പൂർത്തിയാക്കിയ ശേഷം ഡിഫൻഡർ കലിഡൗ കൗലിബാലി ഇംഗ്ലീഷ് ക്ലബ് വിട്ടതായി ഞായറാഴ്ച ചെൽസി അറിയിച്ചു.

സെനഗലീസ് സെന്റർ ബാക്ക് 2022 ജൂലൈയിൽ നാപ്പോളിയിൽ നിന്ന് എത്തി ബ്ലൂസിനായി 32 മത്സരങ്ങളിൽ രണ്ട് തവണ വലകുലുക്കി. സ്റ്റാംഫോർഡ് ബ്രിഡ്ജിൽ കളിക്കുമ്പോൾ കളിക്കളത്തിലും പുറത്തും നൽകിയ സംഭാവനകൾക്ക് ചെൽസി 32-കാരന് നന്ദി പറയുകയും കരിയറിന്റെ അടുത്ത ഘട്ടത്തിൽ അദ്ദേഹത്തിന് ആശംസകൾ നേരുകയും ചെയ്തു.

അടുത്തിടെ, നിരവധി വെറ്ററൻ ഫുട്ബോൾ താരങ്ങൾ സൗദി പ്രൊഫഷണൽ ലീഗ് ക്ലബ്ബുകളിലേക്ക് മാറിയിട്ടുണ്ട്. പോർച്ചുഗീസ് ഇതിഹാസം ക്രിസ്റ്റ്യാനോ റൊണാൾഡോ ജനുവരിയിൽ ഇംഗ്ലീഷ് പ്രീമിയർ ലീഗ് ടീമായ മാഞ്ചസ്റ്റർ യുണൈറ്റഡ് വിട്ട് അൽ-നാസറിൽ ചേർന്നതിന് ശേഷം, റയൽ മാഡ്രിഡിൽ നിന്നുള്ള അദ്ദേഹത്തിന്റെ മുൻ സഹതാരം ഫ്രഞ്ച് സ്‌ട്രൈക്കർ കരിം ബെൻസെമ ജൂണിൽ മറ്റൊരു സൗദി അറേബ്യൻ ക്ലബ്ബായ അൽ-ഇത്തിഹാദിൽ ചേരുമെന്ന് പ്രഖ്യാപിച്ചു.