ഇന്‍റര്‍ കോണ്ടിനെന്റ് കപ്പ്‌ ; രണ്ടാം ജയം ലക്ഷ്യമിട്ട് ഇന്ത്യ
ഇന്റർകോണ്ടിനെന്റൽ കപ്പില്‍ ഇന്ത്യൻ പുരുഷ ഫുട്‌ബോൾ ടീം ഇന്ന് വാനുവാട്ടുവുമായി കൊമ്പുകോർക്കും.ഇന്ന് ഇന്ത്യന്‍ സമയം ഏഴര മണിക്ക് ഒഡിഷയിലെ കലിങ്ക സ്റ്റേഡിയത്തില്‍ വെച്ചാണ് മത്സരം.ടൂർണമെന്റിൽ തുടർച്ചയായ രണ്ടാം വിജയം ആണ് ഇന്ത്യന്‍ ടീം ലക്ഷ്യമിടുന്നത്.കഴിഞ്ഞ മത്സരത്തില്‍ മംഗോളിയക്കെതിരെ എതിരില്ലാത്ത രണ്ടു ഗോളിന് ഇന്ത്യ വിജയിച്ചിരുന്നു.
നിലവില്‍ മൂന്നു പോയിന്‍റില്‍ നില്‍ക്കുന്ന ഇന്ത്യന്‍ ടീം ഗ്രൂപ്പില്‍ രണ്ടാം സ്ഥാനത്താണ്.കഴിഞ്ഞ മത്സരത്തില്‍ വാനുവാട്ടുവിനെ തോല്‍പ്പിച്ച ലെബനന്‍ ആണ് ഒന്നാം സ്ഥാനത് ഉള്ളത്.ഇന്നത്തെ മത്സരത്തില്‍ വാനുവാട്ടുവിനെ തോല്‍പ്പിക്കുകയാണ് എങ്കില്‍ ഗ്രൂപ്പില്‍ ഒന്നാമത് എത്താനുള്ള സാധ്യത ബ്ലൂസിനു ഉണ്ട്.അത് സാധ്യമാവണം എങ്കില്‍ ഇന്നത്തെ മത്സരത്തില്‍ ലെബനനെതിരെ മംഗോളിയ സമനില നേടുകയോ അല്ലെങ്കില്‍ അവരെ തോല്‍പ്പിക്കുകയോ വേണം.ഇന്ത്യന്‍ സമയം നാലര മണിക്ക് കലിങ്ക സ്റ്റേഡിയത്തില്‍ വെച്ച് തന്നെ ഈ മത്സരവും നടക്കാന്‍ പോകുന്നത്.
