ദക്ഷിണാഫ്രിക്കയ്ക്കെതിരായ ഏകദിന പരമ്പരയ്ക്കുള്ള ഇന്ത്യന് ടീമിനെ പ്രഖ്യാപിച്ചു
ദക്ഷിണാഫ്രിക്കയ്ക്കെതിരായ മൂന്ന് മത്സരങ്ങളടങ്ങിയ ഏകദിന പരമ്പരയ്ക്കുള്ള ഇന്ത്യന് ടീമിനെ പ്രഖ്യാപിച്ചു. 16 അംഗ ടീമിനെയാണ് ബിസിസിഐ പ്രഖ്യാപിച്ചിരിക്കുന്നത്. ശിഖര് ധവാന് നയിക്കുന്ന ടീമില് മലയാളി താരം സഞ്ജു സാംസണ് ഇടംനേടി. ശ്രേയസ് അയ്യരാണ് ടീമിന്റെ വൈസ് ക്യാപ്റ്റന്. നേരത്തെ സഞ്ജു ഉപനായകായി എത്തുമെന്ന് റിപ്പോർട്ടുകളുണ്ടായിരുന്നുവെങ്കിലും അത് യാഥാർഥ്യമായില്ല.
അടുത്ത മാസം ട്വന്റി 20 ലോകകപ്പ് നടക്കുന്ന സാഹചര്യത്തില് രോഹിത് ശര്മയും വിരാട് കോലിയും ഉള്പ്പെടെയുള്ള താരങ്ങള്ക്ക് വിശ്രമം നല്കി കൊണ്ടാണ് യുവ താരങ്ങള് കൂടുതല് ഉള്പ്പെടുന്ന ടീമിനെ പ്രഖ്യാപിച്ചിട്ടുള്ളത്. ഈമാസം 6, 9, 11 തിയ്യതികളിലാണ് മത്സരങ്ങള്. ഒക്ടോബര് ആറിന് ലഖ്നൗവിലാണ് ആദ്യ ഏകദിനം. ഒമ്പതിന് റാഞ്ചിയില് രണ്ടാം മത്സരവും 11-ന് ഡല്ഹിയില് മൂന്നാം ഏകദിനവും നടക്കും.
ഏകദിന പരമ്പരയ്ക്കുള്ള ഇന്ത്യന് ടീം:
ശിഖര് ധവാന് (ക്യാപ്റ്റന്), ശ്രേയസ് അയ്യര് (വൈസ് ക്യാപ്റ്റന്), ഋതുരാജ് ഗെയ്ക്വാദ്, ശുഭ്മാന് ഗില്, രജത് പാട്ടിദാര്, രാഹുല് ത്രിപാഠി, ഇഷാന് കിഷന്, സഞ്ജു സാംസണ്, ഷഹബാസ് അഹമ്മദ്, ശാര്ദുല് താക്കൂര്, കുല്ദീപ് യാദവ്, രവി ബിഷ്ണോയ്, മുകേഷ് കുമാര്, അവേശ് ഖാന്, മുഹമ്മദ്. സിറാജ്, ദീപക് ചാഹര്.
