ദക്ഷിണാഫ്രിക്കയെ ബാറ്റിംഗിനയച്ച് ഇന്ത്യ, വമ്പന് മാറ്റങ്ങളുമായി ടീം ഇന്ത്യ
ദക്ഷിണാഫ്രിക്കയ്ക്കെതിരായ ഒന്നാം ട്വന്റി 20 മത്സരത്തില് ടോസ് നേടിയ ഇന്ത്യന് നായകന് രോഹിത് ശര്മ ഫീല്ഡിങ് തിരഞ്ഞെടുത്തു. ഓസ്ട്രേലിയയ്ക്കെതിരേ കളിച്ച ടീമില് നിന്ന് നാല് മാറ്റങ്ങളുമായാണ് ഇന്ത്യ ഇന്ന് കളിക്കുന്നത്. ജസ്പ്രീത് ബുംറയും യൂസ്വേന്ദ്ര ചാഹലും ഹാര്ദിക്ക് പാണ്ഡ്യയും ഭുവനേശ്വറും ടീമിലില്ല. റിഷഭ് പന്ത്, അര്ഷ്ദീപ് സിങ്, ദീപക് ചാഹര്, രവിചന്ദ്ര അശ്വിന് എന്നിവര് ടീമിലിടം നേടി.
ഗ്രീന്ഫീല്ഡിലേത് മികച്ച ബാറ്റിംഗ് വിക്കറ്റാണെന്ന് രോഹിത് ടോസ് വേളയില് പ്രശംസിച്ചു. ഓസ്ട്രേലിയക്കെതിരായ ട്വന്റി 20 പരമ്പര ജയിച്ചതിന്റെ ആത്മവിശ്വാസത്തിലാണ് ഇന്ത്യന് ക്യാപ്റ്റന് രോഹിത് ശര്മയും സംഘവും. അടുത്തമാസം ഓസ്ട്രേലിയയില് നടക്കുന്ന ട്വന്റി 20 ലോകകപ്പിന് ഒരുങ്ങാനുള്ള അവസാന അവസരം കൂടിയാണിത്.
അതേസമയം കരുത്തരായ ഇംഗ്ലണ്ടിനെതിരേ ട്വന്റി 20 പരമ്പര ജയിച്ചതിന്റെ ആത്മവിശ്വാസത്തിലാണ് തെംബ ബാവുമയുടെ നേതൃത്വത്തിലുള്ള ദക്ഷിണാഫ്രിക്ക വരുന്നത്. തുടര്ന്ന് അയല്ലന്ഡിനെതിരേയും പരമ്പര നേടി.
ടീം ഇന്ത്യ: രോഹിത് ശര്മ, കെഎല് രാഹുല്, വിരാട് കോലി, സൂര്യകുമാര് യാദവ്, റിഷഭ് പന്ത്, ദിനേശ് കാര്ത്തിക്, അക്ഷര് പട്ടേല്, രവിചന്ദ്ര അശ്വിന്, ഹര്ഷല് പട്ടേല്, ദീപക് ചാഹര്, അര്ഷ്ദീപ് സിങ്.
ടീം ദക്ഷിണാഫ്രിക്ക: ക്വിന്റണ് ഡി കോക്, തെംബ ബവൂമ, റിലീ റൂസോ, എയ്ഡന് മാര്ക്രം, ഡേവിഡ് മില്ലര്, ട്രിസ്റ്റണ് സ്റ്റബ്സ്, വെയ്ന് പാര്നല്, കഗിസോ റബാദ, കേശവ് മഹാരാജ്, ആന്റിച്ച് നോര്ക്യെ, തബ്റൈസ് ഷംസി
