സ്പാനിഷ് സൂപ്പര് കപ്പ് ; പിക്വേക്കെതിരെ അഴിമതി ആരോപണം, പുറത്തായി താരത്തിന്റെ ഓഡിയോ
എൽ കോൺഫിഡൻഷ്യലിൽ നിന്നുള്ള റിപ്പോർട്ട് അനുസരിച്ച്, ബാഴ്സലോണ ഡിഫൻഡർ ജെറാർഡ് പിക്വെ RFEF പ്രസിഡന്റ് ലൂയിസ് റൂബിയാലെസിനൊപ്പം അഴിമതി ആരോപണത്തിൽ കുടുങ്ങിയിട്ടുണ്ട്.മേൽപ്പറഞ്ഞ ഉറവിടം പുറത്ത് വിട്ട റെക്കോർഡിംഗുകളും രേഖകളും അനുസരിച്ച്,സൗദി അറേബ്യയില് സ്പാനിഷ് സൂപ്പർ കപ്പ് ആതിഥേയത്വം വഹിക്കാൻ 24 മില്യൺ യൂറോ നൽകാൻ സൗദിയിലെ അധികാരികളെ സമ്മർദ്ദത്തിലാക്കാൻ പിക്വെയും റൂബിയേലും കൂട്ടുനിന്നു.
ഡീലിനായി ഏകദേശം 6 മില്യൺ യൂറോ പിക്വേക്ക് നല്കാം എന്ന് റൂബിയൽസ് സമ്മതിച്ചതായും കരാറുകളിലും റെക്കോർഡുകളിലും ബാഴ്സ ഡിഫൻഡറുടെ പങ്കാളിത്തം മറയ്ക്കാൻ ശ്രമിച്ചതായും ചോർന്ന രേഖകളും ഓഡിയോയും വെളിപ്പെടുത്തുന്നു.എൽ കോൺഫിഡൻഷ്യലിൽ നിന്നുള്ള റിപ്പോർട്ട് അവകാശപ്പെടുന്നത്, 2018 മുതൽ പിക്വെയും റൂബിയാലെസും ഇതിനു വേണ്ടി ചർച്ചകൾ നടത്തിയിരുന്നു എന്നാണ്.ഇത്രക്ക് കൊടിയ ആരോപണം ഉണ്ടായിട്ടും ഇതിനെ കുറിച്ചു മറുപടി പറയാന് ഇരുവരും തയ്യാറായിട്ടില്ല. ബാഴ്സ,റയല് മാഡ്രിഡ് ഉള്പ്പടെ നാല് ലാലിഗ ടീമാണ് സ്പാനിഷ് സൂപ്പർ കപ്പ് കളിക്കാനുള്ള ലിസ്റ്റില് ഉള്ളത്.
