നോർവിച്ച്നെതിരെ ലിവർപൂളിന് ജയം

ലിവർപൂൾ തട്ടകമായ ആൻഫീൽഡിൽ ഒരു ഗോളിന് പുറകിലായത്തിന് ശേഷം ലിവർപൂളിൻ്റെ വൻ തിരിച്ചു വരവ്. രണ്ടാം പകുതിയുടെ തുടക്കത്തിൽ തന്നെ നോർവിച്ച് ലിവർപൂൾ ആരാധകരെ ഞെട്ടിച്ച് ആൻഫീൽഡിൽ ലീഡ് നേടി.48)o മിനുട്ടിൽ ആയിരുന്നു നോർവിച്ച് ഗോൾ നേടിയത്. സ്വന്തം തട്ടകത്തിൽ ഗോൾ വഴങ്ങിയ ലിവർപൂൾ പിന്നീട് ഇടതടവില്ലാതെ നോർവിച്ച് ഗോൾ മുഖത്ത് ആക്രമണങ്ങൾ നടത്തി.

നിരന്തരമായ ആക്രമണങ്ങളുടെ ഫലമെന്നോണം 64)o മിനുട്ടിൽ ലിവർപൂൾ സമനില ഗോൾ നേടി. സിമിക്കാസ് നൽകിയ ഹെഡ്ഡർ പാസിൽ നിന്നും സദിയൊ മാനെ ലിവർപൂളിൻ്റെ തിരിച്ചു വരവിന് തുടക്കം കുറിച്ചു. അധിക നേരം വേണ്ടി വന്നില്ല ആദ്യ ഗോൾ നേടി രണ്ട് മിനിട്ട് തികയും മുമ്പേ ലിവർപൂൾ അവരുടെ സ്റ്റാർ സ്ട്രൈക്കർ മുഹമ്മദ് സലയിലൂടെ ലീഡ് നേടി.81)o മിനുട്ടിൽ ഹേണ്ടെഴ്‌സൺ നൽകിയ ത്രൂ പാസിൽ നിന്നും ഗോൾ നേടി ലൂയിസ് ഡയസ് ലിവർപൂൾ ഗോൾ പട്ടിക പൂർത്തിയാക്കി. ഈ വിജയത്തോെടെ ലിവർപൂൾ പോയൻ്റ് പട്ടികയിൽ രണ്ടസ്ഥാനം നില നിർത്തി.