ആദ്യ നാലില്‍ എത്താനുള്ള ഓട്ടത്തില്‍ ആഴ്സണല്
ഇന്ന് എമിറേറ്റ്‌സ് സ്റ്റേഡിയത്തിൽ നടക്കുന്ന പ്രീമിയർ ലീഗ് പോരാട്ടത്തിൽ ബ്രെന്റ്‌ഫോർഡിനെതിരായ വിജയത്തോടെ ആദ്യ നാലിൽ ഇടം നേടാനുള്ള സാധ്യത വർദ്ധിപ്പിക്കാന്‍ ഇന്ന് ആഴ്സണല് ഇറങ്ങും.സീസണിന്റെ ആദ്യദിനത്തിൽ മൈക്കൽ അർട്ടെറ്റയുടെ ടീമിനെ എതിരില്ലാത്ത രണ്ടു ഗോളിന് തോല്‍പ്പിച്ച് കൊണ്ട് മികച്ച തുടക്കം ആയിരുന്നു ബ്രെന്‍റ്ഫോര്‍ഡ് കാഴ്ച്ചവച്ചത്.ഇതിനു പ്രതികാരം ചെയ്യാന്‍ പറ്റിയ അവസരം ആണ് ആര്‍സനെല്‍ ടീമങ്കങ്ങള്‍ക്ക് ലഭിച്ചിരിക്കുന്നത്.
ഇന്ന് ഇന്ത്യന്‍ സമയം രാത്രി എട്ടര മണിക്ക് ആണ് മത്സരം.തുടര്‍ച്ചയായ അഞ്ചു മത്സരങ്ങള്‍ വിജയം നേടാതെ വിഷമിച്ച ആഴ്സണലിന് കഴിഞ്ഞ വ്യാഴാഴ്ച രാത്രി വോൾവർഹാംപ്ടൺ വാണ്ടറേഴ്സിനെതിരെ 1-0 ന് നേടിയ വിജയം വലിയ ആശ്വാസം പകരുന്നു.സീസണിൽ യൂറോപ്യൻ മത്സരങ്ങളോ ആഭ്യന്തര കപ്പുകളോ ഒന്നിലും ശ്രദ്ധ ചെലുത്തേണ്ട ആവശ്യം ഇല്ലാത്ത ആഴ്സണലിന് നാലാം സ്ഥാനത്ത് തുടരുന്ന യുണൈറ്റഡും അഞ്ചാം സ്ഥാനത് ഇരിക്കുന്ന വെസ്റ്റ് ഹാമിനെയും മറികടക്കണം.
