ത്രിലര്‍ മത്സരത്തില്‍ അത്ലറ്റിക്കോ
അവസാന നിമിഷം പകരക്കാരനായ മരിയോ ഹെർമോസോയുടെ ഗോളിൽ അത്ലറ്റിക്കോ മാഡ്രിഡിന് ഏഴ് ഗോളിന്റെ ത്രില്ലർ വിജയം.സ്വന്തം തട്ടകത്തിൽ ഗെറ്റാഫെയെ 4-3ന് ആണ് അത്ലറ്റിക്കോ മാഡ്രിഡ്‌ തോല്‍പ്പിച്ചത്.ആദ്യ പകുതിയില്‍ തന്നെ ഇരു ടീമുകളും ആറു ഗോളുകള്‍ നേടിയിരുന്നു.
ഏഞ്ചല്‍ കോറിയ ഇരട്ട ഗോളും മാത്യൂസ് കൂനയു കൂടെ അത്ലറ്റിക്കോ മാഡ്രിഡിന് വേണ്ടി സ്കോര്‍ ബോര്‍ഡില്‍ ഇടം നേടിയപ്പോള്‍ ഗെറ്റാഫെക്ക് വേണ്ടി ബോര്‍ജ മേയറോളും എനാസ് ഉനാല്‍ ഇരട്ട ഗോളുകളും നേടി.താരം രണ്ടു ഗോളുകളും നേടിയത് പെനാല്‍ട്ടിയില്‍ നിന്നായിരുന്നു.89 ആം മിനുട്ടില്‍ ആണ് അത്ലറ്റിക്കോ കാത്തിരുന്ന നിമിഷം വന്നെത്തിയത്.മരിയോ ഹെര്‍മോസോ പതിനഞ്ചാം സ്ഥാനത്തുള്ള ഗെട്ടാഫെക്ക് നേരെ വിജയ ഗോള്‍ നേടി മത്സരത്തില്‍ താരം ആയത്.യുവ താരം ആയ ജോവ ഫെലിക്സ് 58 ആം മിനുട്ടില്‍ റെഡ് കാര്‍ഡ്‌ കണ്ടു പുറത്താകുകയും ചെയ്തിരുന്നു.
