അശ്വമേധം തുടര്‍ന്ന് സിറ്റി
നോർവിച്ച് സിറ്റിക്കെതിരെ കാരോ റോഡിൽ നടന്ന മത്സരത്തിൽ മാഞ്ചസ്റ്റർ സിറ്റി 4-0 ന് വിജയിച്ചതോടെ പ്രീമിയർ ലീഗിൽ തങ്ങളുടെ ലീഡ് 12 പോയിന്റായി ഉയർത്തി.റഹീം സ്റ്റെർലിംഗ് ഹാട്രിക്കും ഫിൽ ഫോഡനും ഗോള്‍ നേടിയ മത്സരത്തില്‍ ഒരു നിമിഷം പോലും നോര്‍ വിച്ച് സിറ്റിക്ക് തിരിച്ചുവരാനുള്ള ഒരു സാധ്യത പോലും ലഭിച്ചിരുന്നില്ല.
മിഡ് വീക്കിൽ സ്പോർട്ടിംഗ് ലിസ്ബണിനെതിരായ ചാമ്പ്യൻസ് ലീഗ് മത്സരത്തിനു മുന്നോടിയായി സിറ്റി പല മാറ്റങ്ങളും വരുത്തി ആണ് ഈ മത്സരത്തില്‍ കളിക്കാന്‍ ഇറങ്ങിയത്. കെവിൻ ഡി ബ്രൂയ്‌നും ജോവോ കാൻസലോയും സ്റ്റാർട്ടിംഗ് ലൈനപ്പിൽ ഉണ്ടായിരുന്നില്ല.90 ആം മിനുട്ടില്‍ ലഭിച്ച പെനാല്‍ട്ടി പാഴാക്കി എങ്കിലും റീബൗണ്ട് ഗോള്‍ നേടി കൊണ്ട് ആണ് സ്റ്റര്‍ലിംഗ് ഹാട്രിക്ക് തികച്ചത്.
