ജയം, പട്ടികയില് ലിവര്പൂള് രണ്ടാമത്
ഞായറാഴ്ച ആൻഫീൽഡിൽ ബ്രെന്റ്ഫോർഡിനെതിരെ ഫാബിഞ്ഞോ, അലക്സ് ഓക്സ്ലേഡ്-ചേംബർലെയ്ൻ, തകുമി മിനാമിനോ എന്നിവരുടെ ഗോളുകളുടെ പിന്ബലത്തില് ലിവർപൂൾ 3-0 ന് ജയിച്ചതോടെ അവര് പ്രീമിയർ ലീഗിൽ രണ്ടാം സ്ഥാനത്തെത്തി.ഈ ജയം ടേബിളിൽ ചെൽസിക്ക് മുകളിൽ ലിവര്പൂളിനെ എത്തിച്ചു എങ്കിലും ഒന്നാം സ്ഥാനത്ത് ഇരിക്കുന്ന സിറ്റിയെ വെല്ലുവിളിക്കാന് ഇനിയും കൂടുതല് സ്ഥിരതയാര്ന്ന പ്രകടനം കാഴ്ച്ചവക്കണം.ശനിയാഴ്ച നടന്ന മത്സരത്തിൽ സിറ്റി 1-0ന് ചെൽസിയെ പരാജയപ്പെടുത്തിയിരുന്നു.
ആഫ്രിക്കൻ കപ്പ് ഓഫ് നേഷൻസിൽ കളിക്കുന്ന മുഹമ്മദ് സലായും സാദിയോ മാനെയും ഇല്ലാതെയാണ് ലിവർപൂൾ ഇറങ്ങിയത്, നിശ്ചയദാർഢ്യമുള്ള ബ്രെന്റ്ഫോർഡ് പ്രതിരോധം തുറക്കാൻ മത്സരത്തിലെ ആദ്യ നിമിഷങ്ങളില് അവര് ഏറെ പാടുപ്പെട്ടു.ആദ്യ പകുതിയുടെ അവസാന നിമിഷത്തില് ആണ് ലിവര്പൂള് ലീഡ് നേടിയത്.
