എവര്ട്ടന് സമനിലയില് കുരുങ്ങി ചെല്സി
സ്റ്റാംഫോർഡ് ബ്രിഡ്ജിൽ നടന്ന മത്സരത്തിൽ എവർട്ടനുമായി 1-1 ന് സമനില വഴങ്ങി പ്രീമിയർ ലീഗ് കിരീട എതിരാളികളായ മാഞ്ചസ്റ്റർ സിറ്റിയുടെയും ലിവർപൂളിന്റെയും വിടവ് നികത്താനുള്ള അവസരം ചെൽസിക്ക് നഷ്ടമായി.ആതിഥേയർ തുടർച്ചയായ അവസരങ്ങൾ പാഴാക്കിയതിന് ശേഷം, 70-ാം മിനിറ്റിൽ എവർട്ടൺ ഗോൾകീപ്പർ ജോർദാൻ പിക്ക്ഫോർഡിനെ മറികടന്ന് മേസൺ മൗണ്ട് ഒരു വഴി കണ്ടെത്തി.
കൗമാരക്കാരനായ ഡിഫൻഡർ ജറാഡ് ബ്രാന്ത്വെയ്റ്റിന് എവര്ട്ടന് വേണ്ടി നാല് മിനിറ്റിനുള്ളിൽ സമനില നേടാനായി.കിക്കോഫ് മുതൽ ചെൽസി ആധിപത്യം പുലർത്തിയ മത്സരത്തില് നിര്ഭാഗ്യം നിഴലിച്ച ചെല്സിയുടെ പ്രകടനം ആയിരുന്നു ഇന്നലെ കണ്ടത്.ഒരു പോയിന്റ് കൊണ്ട് തൃപ്തിപ്പെടേണ്ടി വന്ന ചെല്സി ലീഗില് നിലവില് മൂന്നാം സ്ഥാനത്ത് ആണ്.ഒന്നാം സ്ഥാനത്ത് ഉള്ള സിറ്റിയേക്കാള് നാല് പോയിന്റ് പിന്നില്.
