തുല്യ ശക്തികള്‍ കൊമ്പ് കോര്‍ക്കുമ്പോള്‍
ഇന്ന് പ്രീമിയർ ലീഗിലെ ആദ്യ മത്സരത്തില്‍ ലെസ്റ്റര്‍ സിറ്റി ആഴ്സണലിനെ നേരിടും. ബ്രെന്റ്‌ഫോർഡിനെ 2-1 എന്ന സ്‌കോറിന് മറികടന്നു കൊണ്ട് ലെസ്റ്റര്‍ മുന്നേറിയപ്പോള്‍ മൈക്കൽ അർട്ടെറ്റയുടെ ടീം ഒന്നിനെതിരെ മൂന്ന് ഗോളുകൾക്ക് ആസ്റ്റൺ വില്ലയെ തോൽപിച്ചു.ഇന്ന് വൈകീട്ട് ഇന്ത്യന്‍ സമയം അഞ്ചു മണിക്ക് ലെസ്റ്റര്‍ ഹോം സ്റ്റേഡിയത്തില്‍ ആണ് മത്സരം.
2021-22 കാമ്പെയ്‌നിന്റെ വെല്ലുവിളി നിറഞ്ഞ തുടക്കത്തിന് ശേഷം ഒടുവിൽ ബ്രെൻഡൻ റോഡ്‌ജേസ് ലെസ്റ്ററില്‍ താളം കണ്ടെത്തിയതായി കാണുന്നു.കഴിഞ്ഞ രണ്ടു മത്സരത്തിലും വിജയം നേടിയ അവര്‍ ലീഗില്‍ ഒന്‍പതാം സ്ഥാനത്താണ് എങ്കില്‍ ആഴ്സണല്‍ പത്താം സ്ഥാനത്തും.അതിനാല്‍ ഈ പോരാട്ടം ഏറെ ആവേശം പകരും എന്നത് തീര്‍ച്ച.തുടക്കം മോശമാക്കിയ ആര്‍ട്ടേട്ടയും ആഴ്സനലിനെ പതിയെ കൈ പിടിച്ചു ഉയര്‍ത്തി കൊണ്ടുവരുന്നുണ്ട്.കഴിഞ്ഞ അഞ്ചു മത്സരങ്ങളില്‍ അവര്‍ തോല്‍വി അറിഞ്ഞിട്ടില്ല എന്നതും അദ്ദേഹത്തിന്റെ മികവ്‌ വര്‍ധിപ്പിക്കുന്നു.
