ചരിത്രത്തിലെ ആദ്യ യുവേഫ നാഷന്‍സ് കിരീടം നേടി ഫ്രാന്‍സ് !!!!!!!
സാൻ സിറോ സ്റ്റേഡിയത്തിൽ ഞായറാഴ്ച നടന്ന സ്പെയിനിനെതിരെ നടന്ന പോരാട്ടത്തില്‍ കരിം ബെൻസേമയുടെയും കൈലിയൻ എംബാപ്പെയുടെയും ഗോളുകളിലൂടെ നേഷൻസ് ലീഗ് ഫൈനലിൽ ഫ്രാൻസ് വിജയിച്ചു.ഒന്നിനെതിരെ രണ്ടു ഗോളുകള്‍ക്ക് ആണ് ഫ്രാന്‍സ് വിജയം.ലോകകപ്പ് നേടിയ ഫ്രാന്‍സ് ടീമിന് പണ്ടത്തെ മൂര്‍ച്ച ഇല്ല എന്ന് ഏറെ പഴി കേക്കേണ്ടി വന്ന ദിദിയര്‍ ഡേഷാമ്പ്സ് ഈ ഒരു കപ്പോടെ എല്ലാ ഉത്തരങ്ങള്‍ക്കും മറുപടി നല്‍കിയിരിക്കുന്നു.
64 ആം മിനുട്ടില്‍ ഗോള്‍ നേടി കൊണ്ട് മൈക്കേല്‍ ഒയര്‍ബസാല്‍ സ്പെയിനിനു ലീഡ് നേടി കൊടുത്തു എങ്കിലും രണ്ടു മിനുട്ടിനുള്ളില്‍ തന്നെ ബെന്‍സെമയുടെ ഗോളില്‍ ഫ്രാന്‍സ് സമനില പിടിച്ചു.80 ആം മിനുട്ടില്‍ ഗോള്‍ നേടി കൊണ്ട് വേള്‍ഡ് കപ്പ്‌ ഹീറോ എംബാപ്പെ ഫ്രാന്‍സിന് വിജയഗോള്‍ സമ്മാനിക്കുകയായിരുന്നു.
