എതിരില്ലാത്ത മൂന്നു ഗോളിന് ക്രൊയേഷ്യക്ക് വിജയം
ഇവാൻ പെരിസിച്ച്, ജോസ്‌കോ ഗ്വാർഡിയോൾ, മാർക്കോ ലിവാജ എന്നിവരുടെ ഗോളുകൾ മൂലം ക്രൊയേഷ്യ 2022 ലോകകപ്പ്‌ ഗ്രൂപ്പ് എച്ചില്‍ വിജയ കുതിപ്പ് തുടരുന്നു.സിപ്രസ് ആയിരുന്നു എതിരാളികള്‍.ക്രൊയേഷ്യ ഏഴ് കളികളിൽ നിന്ന് 16 പോയിന്റ്റ് നേടി കൊണ്ട് ഒന്നാം സ്ഥാനം തുടരുന്നു.
ഒന്നാം പകുതിയില്‍ ഒട്ടേറെ മോശം ഫിനിഷിംഗ് ക്രോയെഷ്യക്ക് വിനയായി.ആൻഡ്രെജ് ക്രമാരിക് നേടിയ ഗോള്‍ VAR റദ്ദുചെയ്യുകയും മുമ്പത്തെ മൂന്ന് യോഗ്യതാ മത്സരങ്ങൾ കളിക്കാത്ത ശേഷം ടീമിലേക്ക് തിരിച്ചെത്തിയ മോഡ്രിച്ച് പെനാല്‍ട്ടി നഷ്ടപ്പെടുകയും ചെയ്തു.എന്നാല്‍ അദ്ദേഹത്തിന്‍റെ തന്നെ പാസില്‍ ആണ് ക്രൊയേഷ്യയുടെ ആദ്യ ഗോള്‍ ഒരുങ്ങിയതും.ആദ്യ പകുതിയുടെ അവസാന മിനുട്ടുകളില്‍ ആയിരുന്നു ക്രൊയേഷ്യ ആദ്യ ഗോള്‍ നേടിയത്.പിന്നീട് അവസാന പത്ത് മിനുട്ടുകളില്‍ ഇരട്ട ഗോളോടെ വീണ്ടും ക്രൊയേഷ്യ ലീഡ് ഇരട്ടിപ്പിച്ചു.
