ന്യൂ കാസില്‍ ഭരണം ഏറ്റെടുക്കാന്‍ സൗദി കൺസോർഷ്യം ; പ്രഖ്യാപനം ഉടനെ തന്നെ
സൗദിയുടെ നേതൃത്വത്തിലുള്ള കൺസോർഷ്യം, പ്രീമിയർ ലീഗ് ക്ലബ് ആയ ന്യൂകാസിലിനെ ഏറ്റെടുക്കും എന്ന വാര്‍ത്തയാണ് ഇന്ന് കായിക ലോകത്ത് കാട്ടുതീ പോലെ പടര്‍ന്നു പന്തലിക്കുന്നത്.പ്രീമിയർ ലീഗിന്റെ അനധികൃത സ്ട്രീമിംഗ് സംബന്ധിച്ച് സൗദി ഭരണകൂടം ബിഇഎൻ സ്പോർട്സുമായി നിലവില്‍ ഉള്ള പ്രശ്നം പരിഹരിച്ചത് മൂലം ആണ് ഇത്രയും കാലം മുടങ്ങി കിടന്നിരുന്ന പ്രൊജക്റ്റ്‌ തിരിച്ചു അരങ്ങിലേക്ക് എത്തിയത്.
ന്യൂകാസിൽ യുണൈറ്റഡിന്റെ ഏറ്റെടുക്കൽ സ്ഥിരീകരിക്കുന്ന ഒരു പ്രഖ്യാപനം ഇന്നു തന്നെ ഉണ്ടാകും എന്നാണ് ഇരു പാര്‍ട്ടികളും കരുതുന്നത്.ന്യൂകാസിലിന്റെ പുതിയ പുതിയ ഉടമകൾ സ്റ്റീവ് ബ്രൂസിനെ മുഖ്യ പരിശീലക സ്ഥാനത്ത് നിന്ന് മാറ്റും എന്നാണ് കരുതപ്പെടുന്നത്.ടീമിന് വേണ്ടി 300 മില്യണ്‍ യൂറോ ആണ് ഇടപാടില്‍ ഉള്‍പ്പെടുത്തിയിരിക്കുന്നത് എന്നാണ് റിപ്പോര്‍ട്ട്‌.
