യുവേഫ നാഷന്‍സ് ;ആദ്യ സെമി ഇന്ന്
യൂറോ 2020 സെമി ഫൈനൽ തോൽവിക്ക് പ്രതികാരം തേടി, സ്പെയിൻ ഇന്ന് രാത്രി ഇന്ത്യന്‍ സമയം പന്ത്രണ്ടേക്കാലിനു യുവേഫ നാഷന്‍സ് ലീഗ് ട്രോഫി സെമി ഫൈനലില്‍ ഇറ്റലിയെ നേരിടും.ഇരു കൂട്ടരും യുറോ സെമി ഫൈനല്‍ മത്സരത്തില്‍ മികച്ച പോരാട്ടം ആയിരുന്നു കാഴ്ച്ചവച്ചത്.സമനിലയില്‍ പിരിഞ്ഞ മത്സരം പെനാല്‍ട്ടിയിലൂടെ ആയിരുന്നു തീരുമാനം കണ്ടത്.
ഇറ്റലി ലീഗ് ഇ ഗ്രൂപ്പ് ഒന്നില്‍ ഒന്നാം സ്ഥാനം നേടി എങ്കില്‍ സ്പെയിന്‍ ഗ്രൂപ്പ് നാലിലെ മുന്നേറ്റക്കാര്‍ ആണ്.യുറോക്ക് ശേഷം പോലും ലൂയി എന്രിക്വെ സ്പെയിമ്ന്‍ ടീമില്‍ പല പുതിയ താരങ്ങളെയും മാറി മാറി പരീക്ഷിച്ചു കൊണ്ടിരിക്കുന്നു.സ്പെയിനില്‍ അദ്ദേഹം പല യുവ താരങ്ങള്‍ക്കും അവസരം നല്‍കിയിട്ടുണ്ട്.യുവ ബാഴ്സ താരം ആയ ഗാവിയെ ടീമിലേക്ക് അദ്ദേഹം വിളിച്ചിട്ടുണ്ട്.ഇറ്റലി ആണെങ്കില്‍ യൂറോ നേടിയതിനു ശേഷം തുടരെ തുടരെ രണ്ടു സമനിലകള്‍ നേടുകയും പിന്നീട് ലിത്വാനിയയെ എതിരില്ലാത്ത അഞ്ചു ഗോളിന് പരാജയപ്പെടുത്തുകയും ചെയ്തു.
