ക്ലബ് വിടാനുള്ള ആഗ്രഹം ജൂലൈയില്‍ പിഎസ്ജിയോട് വെളിപ്പെടുത്തിയിരുന്നു – എംബാപ്പെ
ജൂലൈയിൽ താൻ ക്ലബ് വിടാൻ ആഗ്രഹിക്കുന്നുവെന്ന് പാരിസ് സെന്റ് ജെർമെയിനോട് പറഞ്ഞതായി കൈലിയൻ എംബാപ്പെ തിങ്കളാഴ്ച സ്ഥിരീകരിച്ചു. “ജൂലൈ അവസാനം ഞാൻ പറഞ്ഞു, എനിക്ക് പോകണമെന്ന്,” എംബാപ്പെ ആർഎംസി റേഡിയോയ്ക്ക് നൽകിയ അഭിമുഖത്തിൽ പറഞ്ഞു.താരത്തിന് വേണ്ടി സ്പാനിഷ്‌ ക്ലബ് റയല്‍ മാഡ്രിഡ്‌ ആഗസ്റ്റിൽ 180 മില്യണ്‍ ഡോളര്‍ നല്‍കാം എന്ന് പറഞ്ഞു എങ്കിലും ബാഴ്സലോണയിൽ നിന്ന് ലയണൽ മെസ്സിയെ ഒപ്പിട്ട പിഎസ്ജി ഈ ഓഫർ നിരസിച്ചു.
“ടീമിന് താല്‍പര്യം എങ്കില്‍ തുടരാന്‍ ഞാന്‍ തയ്യാര്‍ ആയിരുന്നു.ഞാന്‍ ആറോ ഏഴോ ഓഫര്‍ നിരസിച്ചു എന്ന വാര്‍ത്ത വ്യാജം ആണ്.”2017 ൽ മൊണാക്കോയിൽ നിന്ന് 180 ദശലക്ഷം യൂറോയുടെ ഇടപാടില്‍ ആണ് എംബാപ്പെ പിഎസ്ജിയിലെക്ക് എത്തിയത്.
