മെസ്സിക്കെതിരെ കളിക്കാനുള്ള ആഗ്രഹം പങ്കുവച്ച് റൂബൻ ഡയസ്
ചൊവ്വാഴ്ച പിഎസ്ജിക്കെതിരെ നടക്കാന്‍ പോകുന്ന ചാമ്പ്യൻസ് ലീഗ് മത്സരത്തില്‍ മെസ്സി കളിക്കണം എന്നാണ് തന്‍റെ ആഗ്രഹം എന്ന് സിറ്റി ഡിഫെണ്ടര്‍ റൂബൻ ഡയസ്.അര്‍ജന്‍റ്റൈന്‍ താരം പാർക്ക് ഡെസ് പ്രിൻസസിൽ നടക്കാന്‍ പോകുന്ന ഹെവിവെയ്റ്റ് കോണ്ടിനെന്റൽ പോരാട്ടത്തിന്റെ ഭാഗമാകുമോ എന്ന് പാരിസ് സെന്റ് ജെർമെയ്ൻ ഇതുവരെ വെളിപ്പെടുത്തിയിട്ടില്ല. എന്നാൽ താരം ഇന്ന് ടീമിനൊപ്പം മുഴുവൻ പരിശീലനത്തില്‍ പങ്കെടുത്തിട്ടുള്ള ചിത്രം പിഎസ്ജി പങ്കുവെച്ചിട്ടുണ്ട്.
“മെസ്സി എന്ന താരത്തിനെതിരെ കളിക്കുന്നത് സ്വയം മൂല്യനിർണ്ണയം നടത്താന്‍ കഴിയും.അദ്ദേഹവും റാമോസും ഉള്ളത് അവരുടെ വിജയ സാധ്യത ഇരട്ടിപ്പിക്കും.കഴിഞ്ഞ തവണ ഇവര്‍ ഉണ്ടായിരുന്നില്ല എങ്കിലും നെയ്മര്‍,എംബാപ്പെ,ഡി മരിയ എന്നിവര്‍ അടങ്ങുന്ന നിരയെ ഞങ്ങള്‍ നിയന്ത്രിച്ചു.” റൂബൻ ഡയസ് മാധ്യമങ്ങളോട് പറഞ്ഞു.കഴിഞ്ഞ പിഎസ്ജിക്കെതിരെയുള്ള മത്സരത്തില്‍ മികച്ച പ്രകടനം ആണ് അദ്ദേഹം കാഴ്ച്ചവച്ചത്.
