യുറോക്ക് മുന്നേ ബലം പരീക്ഷിക്കാന് ഇറ്റലി
യൂറോ 2020 ടൈറ്റിൽ മത്സരാർത്ഥികൾ ആയ ഇറ്റലിക്ക് ലീഗ് തുടങ്ങുന്നതിന് മുന്പ് തങ്ങളുടെ ശക്തി പരിശോധിക്കാന് മികച്ച ഒരു അവസരം. ഇന്റര്നാഷണല് ഫ്രന്റ്ലി മത്സരത്തില് ഇറ്റലി ചെക്ക് റിപബ്ലിക്കിനെ നേരിടും.നാളെ രാവിലെ ഇന്ത്യന് സമയം പന്ത്രണ്ടേ ക്കാലിനു ആണ് ഇരുവരും തമ്മില് ഉള്ള മത്സരം നടക്കാന് പോകുന്നത്.
ഇറ്റലി പരിശീലകൻ റോബർട്ടോ മാൻസിനി ഈ ആഴ്ച ആദ്യം യൂറോ 2020 നുള്ള അവസാന 26 അംഗ ടീമിനെ തിരഞ്ഞെടുത്തു, വരും ആഴ്ചകളിൽ സ്വിറ്റ്സർലൻഡ്, തുർക്കി, വെയിൽസ് എന്നിവരുമായി ഗ്രൂപ്പ് എയിൽ മത്സരിക്കാനുള്ള വെല്ലുവിളിക്ക് ഇറ്റലി മാനസികമായി തയ്യാറെടുത്തു.ജൂണ് 14 ന് ആണ് ചെക്ക് റിപബ്ലിക്ക് അവരുടെ യുറോ ലീഗിന് തുടക്കം കുറിക്കുന്നത്.സ്കോട്ട്ലാന്ഡ് ആണ് ആദ്യ മത്സരത്തിലെ അവരുടെ എതിരാളികള്.
