എല് ക്ലാസിക്കോയില് പിക്ക്വെ കളിക്കും എന്നു വാര്ത്ത
കാൽമുട്ടിനേറ്റ പരുക്കിനെത്തുടർന്ന് അടുത്തിടെ നടന്ന പോരാട്ടങ്ങൾക്കിടയിലും ജെറാർഡ് പിക്ക് ബാഴ്സലോണയുടെ എൽ ക്ലാസിക്കോ ടീമിൽ ഇടം നേടി.കാൽമുട്ടിനേറ്റ പരിക്കിനെത്തുടർന്ന് പിക്ക്വെ മാർച്ച് 3 മുതൽ കളിച്ചിട്ടില്ല.തുടയുടെ പ്രശ്നത്തെത്തുടർന്ന് രണ്ട് മാസത്തെ ഇടവേളക്ക് ശേഷം സെർജി റോബർട്ടോ ബാഴ്സ ടീമിൽ തിരിച്ചെത്തിയിട്ടുണ്ട്.
പിക്ക്വെ ടീമിലിടം നെടുമോ എന്ന ചോദ്യത്തിന് കോച്ച് കോമാന്റെ മറുപടി ഇങ്ങനെ ആയിരുന്നു “”ഇത് കളിയുടെ നിമിഷത്തെ ആശ്രയിച്ചിരിക്കുന്നു. ഏതൊരു കളിക്കാരനും തികഞ്ഞ ശാരീരികവും മാനസികവുമായ അവസ്ഥയിലായിരിക്കണം.ടീമിനെ തിരഞ്ഞെടുക്കുമ്പോള് നല്ല നേതൃത്വ ഗുണമുള്ള താരങ്ങളെയും നിയമിക്കേണ്ടത് ഉണ്ട്.”അദ്ദേഹത്തിന്റെ മറുപടിയില് നിന്നും എല് ക്ലാസിക്കോയില് പിക്ക്വെ കളിക്കും എന്നു തന്നെയാണ് എല്ലാവരും കരുതുന്നത്.മാഡ്രിഡിനെതിരെ പലപ്പോഴും ഉറച്ച പാറ പോലെ നില കൊണ്ട താരത്തിന്റെ അനുഭവസമ്പത് ബാഴ്സക്കും കോമാനും ഒരു മുതല് കൂട്ടായേക്കും.
