കോമാന് പിന്തുണ നല്കി ബാഴ്സലോണ ഇന്ററിം പ്രസിഡന്റ്
സീസണിന്റെ രണ്ടാം പകുതിക്ക് മുന്നോടിയായി ബാഴ്സലോണ ഇടക്കാല പ്രസിഡന്റ് കാൾസ് ടസ്ക്വെറ്റ്സ് റൊണാൾഡ് കോമാന് പൂർണ്ണ പിന്തുണ നൽകി.ശനിയാഴ്ച ക്യാമ്പ് നൗവിൽ വലൻസിയ 2-2 സമനിലയിൽ പിരിഞ്ഞത്തോടെ കോമാന്റെ മേല് വലിയ സമ്മര്ദം ആണ് ഉള്ളത്.നിലവില് അവര് അഞ്ചാം സ്ഥാനത്താണ്.ഈ സീസണില് ബാഴ്സലോണ ലാലിഗ നേടുമെന്ന കാര്യത്തില് യാതൊരുവിധ ഉറപ്പും ബാഴ്സലോണ താരങ്ങളും കോച്ചും പിച്ചില് കാണിക്കുന്നില്ല.താരങ്ങള് പലരും കോമാന്റെ പ്ലാനുകളെ ചോദ്യം ചെയ്യുന്നു എന്നും മാധ്യമങ്ങള് റിപ്പോര്ട്ട് ചെയ്തിരുന്നു.
എനിക്കു ആരെയും നോക്കേണ്ട ചുമതലയില്ല.കോമാൻ നന്നായി പ്രവർത്തിക്കുന്നു, എന്റെ പൂർണ്ണ പിന്തുണ അദ്ദേഹത്തിന് ഉണ്ട്.ഞാൻ അദ്ദേഹത്തോടൊപ്പം പലതവണ ഭക്ഷണം കഴിക്കാൻ പോയിട്ടുണ്ട്, ഞാൻ അദ്ദേഹത്തെ വളരെ അടുത്തറിയുന്ന ആളായതിനാല് ഇതെല്ലാം വളരെ ശുഭാപ്തിവിശ്വാസത്തോടെ കാണുന്നു.”കാൾസ് ടസ്ക്വെറ്റ്സ് മാധ്യമങ്ങളോട് പറഞ്ഞു.
