മെസ്സി 2022 വേള്‍ഡ് കപ്പ് കളിക്കും തീര്‍ച്ച – ചാവി ഹെര്‍ണാണ്ടസ്
ലയണൽ മെസ്സി ഒരു “മൃഗം” ആണെന്നും 2022 ൽ ഖത്തറിൽ നടക്കുന്ന ലോകകപ്പിൽ തീർച്ചയായും കളിക്കുമെന്നും ബാഴ്‌സലോണ ഇതിഹാസം ചാവി അഭിപ്രായപ്പെട്ടു.നവംബർ, ഡിസംബർ മാസങ്ങളിൽ ഖത്തറിൽ അടുത്ത അന്താരാഷ്ട്ര വേള്‍ഡ് കപ്പ് നടക്കുമ്പോഴേക്കും അർജന്റീനയുടെ ക്യാപ്റ്റനായ മെസ്സിക്ക് 35 വയസ്സ് തികയും.
“ലിയോ ആഗ്രഹിക്കുന്നതുവരെ കളിക്കാന്‍ കഴിയും അദ്ദേഹത്തിന്.ശാരീരിക തലത്തിൽ, അവൻ വേഗതയുള്ളവനും ശക്തനുമാണ്.ശാരീരികമായി ഒരു മൃഗമാണ്,അദ്ദേഹം ഖത്തർ 2022 ൽ കളിക്കുമെന്നതിൽ എനിക്ക് സംശയമില്ല.” ചാവി മാർസയോട് പറഞ്ഞു.ഇത്രയും പറഞ്ഞ ചാവി പിന്നീട് ഇപ്പോഴത്തെ തന്‍റെ ക്ലബിന്‍റെ അവസ്ഥയെ കുറിച്ച് വാചാലനായി.സെത്തിയെന്‍ ഇതുവരെ കാഴ്ച്ചവച്ചത് നല്ല പ്രകടനം ആണെന്നും കിരീടം നഷ്ട്ടമായെങ്കിലും ടീമിന്‍റെ കളി മെച്ചപ്പെടുന്നത് കാണാന്‍ കഴിഞ്ഞെന്നും ചാവി അഭിപ്രായപ്പെട്ടു.
